بھارت میں ڈاکٹر نے شور شرابہ کرنے پر مریض کی پٹائی کردی جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق ریاست اڑیسہ کے کالاہندی ضلع کے دھرم گڑھ سب ڈویژنل اسپتال میں ایک ڈاکٹر نے نوجوان مریض کی پٹائی کردی۔
مقامی لوگوں کا کہنا ہے کہ مریض اتوار کی رات پیٹ میں شدید درد ہونے پر اسپتال گیا لیکن وہاں ڈاکٹر نہ ملنے پر اس نے شور مچانا شروع کردیا۔
مریض کے شور مچانے پر ڈاکٹر سیلیش کمار ڈورا اور مریض کے درمیان جھگڑا ہوگیا جس کے بعد ڈاکٹر نے مریض کو تشدد کا نشانہ بنانا شروع کردیا۔
#Inhuman…
Doctor loosing his patience.Dr. Sailesh Kumar Dora thrashed patient inside hospital in Odisha’s Kalahandi.
A doctor allegedly thrashed a patient at the Dharmagarh sub-divisional hospital last evening. @ICMRDELHI@HealthOdisha @nabadasjsg @MoSarkar5T pic.twitter.com/2EZjMkdrxf— Manas Behera @ANI (@manasbehera07) March 14, 2022
متاثرہ مریض مکیش نائک کا کہنا تھا کہ میں پیٹ میں شدید درد کے ساتھ اسپتال گیا تو وہاں کوئی ڈاکٹر موجود نہیں تھا، سیکیورٹی گارڈ سے پوچھا تو اس نے بتایا کہ ڈاکٹر واش روم گئے ہیں۔
نوجوان نے کہا کہ کچھ دیر کے بعد طبی عملے میں سے کسی نے دو انجیکشن لگائے اور میں اسٹریچر پر تھا کہ اچانک ڈاکٹر میرے پاس آیا اور مجھے مارنا شروع کردیا۔
ڈاکٹر کے تشدد پر مریض اور مقامی لوگوں نے ڈاکٹر کی گرفتاری کا مطالبہ کرتے ہوئے سڑک بلاک کردی۔
مقامی تھانے میں ڈاکٹر اور مریض کی جانب سے دو مختلف شکایتیں درج کروائی گئیں، پولیس کا کہنا ہے کہ واقعے کا مقدمہ درج کرکے ڈاکٹر کو حراست میں لیا گیا ہے، مزید تفتیش جاری ہے۔