پاک فوج کے خلاف مہم، ن لیگ میڈیا سیل کا رکن گرفتار faisal ranjha
The news is by your side.

Advertisement

پاک فوج کے خلاف مہم، ن لیگ میڈیا سیل کا رکن گرفتار

لاہور+اسلام آباد: پاک فوج کے خلاف مہم چلانے کے الزام میں ن لیگ میڈیا سیل سے تعلق رکھنے والے ڈاکٹر فیصل رانجھا کو لاہور سے گرفتار کرلیا گیا۔

اے آر وائی نیوز کے نمائندہ اسلام آباد ذوالقرنین حیدر کے مطابق پاک فوج کے خلاف سوشل میڈیا پر مہم چلانے والوں کے خلاف کارروائی کا عمل جاری ہے، ایف آئی اے کو اس ضمن میں لسٹیں بنانے اور کارروائی کرنے کا حکم دیا گیا ہے۔

نمائندے کے مطابق ایف آئی اے نے اس ضمن میں تقریباً 33 افراد کی نام شارٹ لسٹ کیا ہے جس میں متعدد افراد کا تعلق مختلف سیاسی جماعتوں سے ہے جب کہ کچھ کا تعلق آسٹریلیا سے ہے۔

لسٹ میں ڈاکٹر فیصل رانجھا کا نام بھی شامل ہے جنہیں آج ایف آئی اے کاؤنٹر ٹیررازم ڈپارٹمنٹ کی ٹیم نے لاہور سے گرفتار کرکے اسلام آباد ایف آئی اے ای سی ٹی ڈبیلو کے حوالے کردیا ہے۔

خیال رہے کہ ڈاکٹر فیصل رانجھا کا تعلق مسلم لیگ ن کے میڈیا سیل سے ہے۔

ڈاکٹر فیصل رانجھا سے تاحال تفتیش کا عمل جاری ہے کہ انہوں نے کس بنیاد پر پاک آرمی کے خلاف مہم چلائی۔

Comments

comments

یہ بھی پڑھیں