The news is by your side.

Advertisement

کراچی: کھارادر میں ڈاکٹر کو گھر سے بلا کرقتل کر دیا گیا

کراچی : کھارادر میں ڈاکٹر کو گھر سے بلا کر قتل کر دیا گیا، ڈاکٹر ذوالفقار کو نجی اسپتال منتقل کیا تھا، جہاں وہ دوران علاج چل بسا۔

تفصیلات کے مطابق کراچی میں ایک اور مسیحا دہشت گردی کی بھینٹ چڑھ گیا، کھارادر کھڈا مارکیٹ میں مسلح ملزمان نے ڈاکٹر کو گھر سے بلا کر سر پر گولیاں مار دیں۔

پولیس کے مطابق بغدادی تھانے کی حدود میں کھڈا مارکیٹ کھارادر کے رہائشی ڈاکٹر ذوالفقار کو 2نامعلوم ملزمان نے گھر سے باہر بلا کر نشانہ بنایا اور سر پر گولی مار کر فرار ہوگئے۔

اہلخانہ نے زخمی ڈاکٹر کو فوری طبی امداد کے لیے پرسول اسپتال لیکر پہنچے تاہم سہولیات کی عدم دستیابی پر زخمی ڈاکٹر کو نجی اسپتال منتقل کرنا پڑا، جہاں زخموں کی تاب نہ لاتے ہوئے ڈاکٹر ذوالفقار دم توڑ گئے۔


مزید پڑھیں : کراچی میں بھتہ خور اور ٹارگٹ کلر پھر سرگرم ہوگئے، ڈاکٹر قتل


پولیس کے مطابق  واقعہ دہشتگردی کی بناپرپیش آیایاذاتی دشمنی کا شاخسانہ ہے، شواہد اکھٹے کرکے مختلف زاویوں سے تحقیقات شروع کردی ہے، ملزمان اب تک گرفتار نہیں ہو سکے، ڈاکٹر ذوالفقار کا کھارادر کھڈا مارکیٹ میں رہائش کے قریب ہی پرائیویٹ کلینک بھی ہے۔

Print Friendly, PDF & Email

Comments

comments

یہ بھی پڑھیں