تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ڈاکٹروں نے مریض کے منہ سے ’ویمپائر‘ دانت نکال لیا

بڈگام: مقبوضہ کشمیر کے ضلع بڈگام میں ڈاکٹروں نے ایک مریض کے منہ سے ’ویمپائر‘ دانت نکال لیا۔

بھارتی میڈیا کے مطابق جموں و کشمیر کے ضلع بڈگام کے سب ضلع اسپتال بیروہ کے ڈاکٹروں نے ہفتہ کے روز ایک مریض کے منہ سے دنیا کا سب سے لمبا دانت نکالنے کا دعویٰ کیا ہے۔

اس حوالے سے بیروہ کے ڈاکٹر جاوید احمد نے بتایا کہ مریض دانت کے درد میں مبتلا تھا، جب معائنہ کیا گیا تو معلوم ہوا کہ اس کے منہ دنیا کا سب سے لمبا دانت ہے۔

ڈاکٹروں کے مطابق مریض کے منہ میں موجود دانت کی لمبائی 37.5 ملی میٹر تھی۔

اسپتال میں تعینات ڈینٹل سرجن ڈاکٹر امتیاز احمد بانڈے نے جب مریض کے دانت کا معائنہ کیا تو اس بات کا امکان ظاہر کیا تھا کہ مریض کے منہ سے جو دانت نکالا جانا ہے وہ دنیا کا سب سے لمبا دانت ہو سکتا ہے۔

رپورٹ کے مطابق مریض بیروہ قصبہ کے قریب ایک گاؤں سونہ پاہ کا رہائشی ہے۔ مریض کو گزشتہ دس پندرہ دنوں سے دانت میں درد کی شکایت تھی، جب اس کے دانت کا ایکسرے کیا گیا تو ڈاکٹروں نے بتایا کہ اس کی کینائن کو نکالنے کی ضرورت ہے۔

مریض کا دانت نکالنے میں ڈاکٹروں کو تقریباً ڈیڑھ گھنٹہ منٹ لگا۔

Comments

- Advertisement -