The news is by your side.

Advertisement

ایک شخص کے پیٹ سے ایک کلو گرام فولادی اشیا برآمد

افریقی ملک میں ایک شخص کے پیٹ سے ایک کلو گرام فولادی اشیا برآمد ہوئیں۔

غیرملکی خبررساں ادارے کی رپورٹ کے مطابق افریقی ملک لتھوانیا میں پیٹ میں درد کی شکایت کے بعد ایک شخص کے پیٹ سے نٹ، بولٹ، کیلیں، اسکرو برآمد کیے گئے، ان کا مجموعی وزن ایک کلو گرام سے زائد بتایا گیا ہے۔

لتھوانیا کے شہری نے دو ماہ قبل شراب نوشی ترک کی تھی اس کے بعد اس میں دھاتی اشیا نگلنے کی خواہش پیدا ہوئی، اس نے تقریباً ہر روز کوئی نہ کوئی کیل، اسکرو، نٹ بولٹ اور فولادی اشیا کھانے کا سلسلہ شروع کیا جس کے بعد اس کے پیٹ میں دھاتی اشیا کا ڈھیر لگ گیا۔

پیٹ میں درد کی شکایت پر مذکورہ شخص کو اسپتال منتقل کیا گیا، آپریشن کے دوران اس کے پیٹ سے کئی دھاتی اشیا برآمد کی گئیں جن میں چار انچ طویل لوہے کا ٹکڑا بھی شامل تھا۔

لتھوانیا کے سرجن ساروناس دیالیدیناس نے شہری کا آپریشن کیا اور اس واقعے کو ایک منفرد واقعہ قرار دیا۔

رپورٹ کے مطابق مریض کا ایمرجنسی میں تین گھنٹے تک آپریشن جاری رہا اور پاس رکھی ٹرے پر دھاتی نٹ بولٹ اور دیگر پرزوں سے بھر گئی، تاہم اب مریض کی حالت بہتر ہے۔

ڈاکٹرز کا کہنا ہے کہ آپریشن کے بعد مریض کی حالت بہتر ہے چند دنوں کے بعد اسے ڈسچارج کردیا جائے گا۔

Comments

یہ بھی پڑھیں