تازہ ترین

17 سالہ لڑکی کے معدے سے 7 کلو گرام وزنی بالوں کا گچھا برآمد

نئی دہلی: بھارت میں ایک 17 سالہ لڑکی کے پیٹ سے بالوں کا 7 کلو گرام وزنی گچھا نکال لیا گیا، لڑکی کو بچپن سے بال چبانے اور کھانے کی عادت تھی۔

بھارتی میڈیا کے مطابق ریاست جھاڑ کھنڈ سے تعلق رکھنے والی 17 سالہ لڑکی کو تکلیف کی حالت میں اسپتال لایا گیا تھا۔ مذکورہ لڑکی کی شناخت سویٹی کماری کے نام سے ہوئی۔

سویٹی کے والدین کے مطابق اسے بچپن سے بال چبانے کی عادت تھی۔

3 سال قبل پیٹ میں تکلیف کے باعث اس کا الٹرا ساؤنڈ کیا گیا تو ڈاکٹرز نے خدشہ ظاہر کیا کہ شاید اس کے معدے میں کوئی ٹیومر ہے، تاہم جلد ہی انہیں پتہ چل گیا کہ یہ بالوں کا گچھا ہے جو پورے معدے میں جگہ گھیر چکا ہے۔

بعد ازاں ایک نجی اسپتال کے ڈاکٹرز نے 6 گھنٹے طویل سرجری میں اس گچھے کو نکالا اور سویٹی کے معدے کی صفائی کی۔ معدے میں پھنسے اس گچھے کا وزن 6.8 کلو گرام تھا۔

ڈاکٹرز کی ٹیم کے سربراہ جی این ساہو کا کہنا تھا کہ انہوں نے اپنے 40 سالہ کیریئر کے دوران کسی مریض کے معدے کی ایسی حالت نہی دیکھی۔

طب میں بال کھانے کی اس طلب کو دیومالائی کہانیوں کی کردار ریپونزل کی نسبت سے ریپونزل سنڈروم کا نام دیا جاتا ہے۔ ریپونزل اپنی خوبصورتی اور لمبے بالوں کی وجہ سے مشہور ہے۔

ڈاکٹرز کا کہنا ہے کہ یہ سنڈروم کم افراد کو ہوسکتا ہے تاہم بال کھانے کے عادی افراد بے حد تکلیف کا شکار ہوجاتے ہیں اور انہیں طویل اور پیچیدہ سرجری کے مرحلے سے گزرنا پڑ سکتا ہے۔

Comments

- Advertisement -