کنسرٹ میں بن بلایا مہمان -
The news is by your side.

Advertisement

کنسرٹ میں بن بلایا مہمان

استنبول: ترکی میں ایک آرکسٹرا کے کنسرٹ کے دوران ایک بن بلایا مہمان بھی وہاں آ پہنچا جسے دیکھ کر شائقین بے حد مسرور و محضوظ ہوئے۔

ترکی کے دارالحکومت استنبول میں ایک آؤٹ ڈور کنسرٹ میں آرکسٹرا مشہور کلاسیکی دھن پر اپنی پرفارمنس پیش کر رہا تھا کہ اچانک وہاں ایک بن بلایا مہمان آپہنچا۔

یہ بن بلایا مہمان دراصل ایک آوارہ کتا تھا جو کسی طرح گھومتا گھامتا وہاں آنکلا۔

اسے دیکھتے ہی شائقین کی ساری توجہ موسیقی سے ہٹ کر کتے کی جانب ہوگئی اور لوگوں نے تالیوں اور قہقہوں سے اس کا استقبال کیا۔

تھوڑی دیر اسٹیج پر گھومنے کے بعد کتا وہیں لیٹ گیا، غالباً وہ بھی کلاسیکی موسیقی کے آرکسٹرا اسے لطف اندوز ہو رہا تھا۔

اس کے بعد پورے کنسرٹ میں وہ وہیں بیٹھا رہا جس کی وجہ سے ایک عام سا آرکسٹرا کنسرٹ غیر معمولی حیثیت اختیار کرگیا۔

کنسرٹ ختم ہونے کے بعد منتظمین نے سوشل میڈیا پر اسے پوسٹ کرتے ہوئے کہا، ’آج آرکسٹرا اور حاضرین نے ایک خاص مہمان کا استقبال کیا‘۔

ترکی میں اس ویڈیو کو لاکھوں دفعہ دیکھا گیا اور لوگوں نے اسے خاصا پسند کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں