The news is by your side.

Advertisement

یہ بلی ہے یا کتا، حیران کن ویڈیو وائرل

برازیل سے دماغ چکرا دینے والی ایک ویڈیو وائرل ہوئی ہے جس میں چھت کے کنارے ایک مردہ نظر آتے کتے کا سر اچانک زندہ بلی میں تبدیل ہوجاتا ہے

ہیں کواکب کچھ نظر آتے ہیں کچھ’ یہ مثال شاید بہت سارے لوگوں نے سنی ہو جو عموماْ لوگوں کے ظاہر وباطن کے فرق کے لیے کہی جاتی ہے لیکن یہاں یہ مثال زیر نظر وڈیو پر بھی صادق نظر آتی ہے۔

قصہ کچھ یوں ہے کہ برازیل کے شہر ریو ڈی جنیرو میں ایک فیملی نے اپنے گھر کے قریب ایک چھت کے کنارے بغیر دھڑ کے کتے کا سر دیکھا جو بظاہر مردہ نظر آرہا تھا جس پر کیرولین مولیرٹ نامی خاتون نے اس کی ویڈیو بنانا شروع کردی۔

ویڈیو بناتی خاتون نے اچانک شور کرکے جانور کو متوجہ کرنے کی کوشش کی تو اس کو حیرت کا شدید جھٹکا لگا جب مردہ نظر آتا کتے کا سر اچانک زندہ بلی میں تبدیل ہوگیا اور یہ حیرت انگیز انکشاف اس وقت ہوا جب بلی نے اس کی سمت مڑ کر دیکھا۔

حقیقت یہ ہے کہ سفید رنگ کی بلی ایک چھت کے کنارے کچھ اس انداز سے بیٹھی تھی کہ اس کا منہ دوسری طرف نظر نہیں آرہا تھا جب کہ کمر پر دو کالے دھبے کتے کی آنکھیں اور کالی دم کتے کی ناک کی شبیہہ پیش کررہی تھی۔

خاتون نے یہ ویڈیو انسٹاگرام پر پوسٹ کی جو دیکھتے ہی دیکھتے وائرل ہوگئی اور یہ ویڈیو اب تک ہزاروں افراد دیکھ چکے ہیں۔

Comments

یہ بھی پڑھیں