The news is by your side.

Advertisement

پالتو کتے کی دلچسپ ویڈیو وائرل

پالتو کتے کی پیانو بجانے کی دلچسپ ویڈیو سوشل میڈیا پر وائرل ہوگئی۔

انسٹاگرام پر جوش میک نامی صارف نے اپنے پالتو کتے کی دلچسپ ویڈیو شیئر کی جو دیکھتے ہی دیکھتے وائرل ہوگئی۔

ویڈیو میں دیکھا جاسکتا ہے کہ کتا دو ٹانگوں پر کھڑا ہوکر پنجوں کی مدد سے گھر میں موجود پیانو بجا رہا ہے۔

ویڈیو میں جیسے ہی پیانو پر میوزک بجتا ہے کتا فوری دھن کے ساتھ آواز نکالنا شروع کردیتا ہے۔

ویڈیو شیئر کرنے والا شخص جوش موسیقار بھی ہے، اس نے اپنے انسٹاگرام پر ویڈیو کیپشن میں لکھا ‘میرے کتے کو گانا گانا اور پیانو بجانا بہت پسند ہے۔’

یہ منظر اتنا دلچسپ تھا کہ ویڈیو انٹرنیٹ پر تیزی سے وائرل ہونے لگی اور اسے اب تک ہزاروں صارفین دیکھ چکے ہیں۔

کتے کی اس ادا سے سوشل میڈیا صارفین خوب لطف اندوز ہوئے اور کتے سے محبت کرنے والوں نے دلچسپ تاثرات کا بھی اظہار کیا۔

ایک صارف نے کتے کی ویڈیو کو سال کی بہترین پرفارمنس قرار دے دیا۔

ایک اور صارف نے لکھا کہ میں اس بہترین فنکار کے کنسرٹ کیلئے پیشگی ایک سال کے ٹکٹ خریدنے کیلئے تیار ہوں۔

Comments

یہ بھی پڑھیں