The news is by your side.

Advertisement

پاکستانی وزیراعظم عمران خان کی امریکہ آمد خوش آئند ہے، میلانیا ٹرمپ کا ٹوئٹ

واشنگٹن : امریکی خاتون اوّل  میلانیا ٹرمپ نے وزیراعظم عمران خان کی آمد پر مسرت کا اظہار کرتے ہوئے کہا ہے کہ  پاکستانی وزیر اعظم کی امریکہ آمد خوش آئند ہے، عمران خان کی وائٹ ہاؤس آمد زبردست رہی۔

تفصیلات کے مطابق وائٹ ہاؤس میں وزیراعظم عمران خان اور امریکی صدر ڈونلڈ ٹرمپ کے درمیان تاریخی ملاقات کے موقع پر اہم امور زیر غور آئے۔

 امریکی صدر ڈونلڈ ٹرمپ اور وزیراعظم عمران خان کی ملاقات کے بعد اوول آفس میں ڈونلڈ ٹرمپ ان کی اہلیہ فرسٹ لیڈی میلانیا ٹرمپ اور وزیر اعظم نے گروپ فوٹو بنوایا۔

اس حوالے سے فرسٹ لیڈی میلانیا ٹرمپ نے سماجی رابطے کی ویب سائٹ ٹوئٹر پر اپنے پیغام میں کہا کہ وائٹ ہاؤس میں وزیر اعظم پاکستان عمران خان سے ملاقات کر کے اچھا لگا۔

امریکی خاتون اوّل نے وزیراعظم عمران خان کی آمد پر مسرت کا اظہار کرتے ہوئے کہا ہے کہ  پاکستانی وزیر اعظم کی امریکہ آمد خوش آئند ہے، ان کی وائٹ ہاؤس آمد زبردست رہی۔

یاد رہے کہ وزیر اعظم عمران خان نے آج واشنگٹن ڈی سی کے اسٹیڈیم کیپٹل ون ارینا میں جلسے سے خطاب کرتے ہوئے کہا تھا کہ وہ پاکستان میں میرٹ سسٹم لے کر آئیں گے، مجھے این آر او کے لیے باہر سے سفارشیں کروائی گئیں، کچھ بھی ہوجائے کسی کو این آر او نہیں دوں گا۔

Comments

comments

یہ بھی پڑھیں