ڈالرکی مانگ اور سونے کی قیمتوں میں اضافہ
The news is by your side.

Advertisement

ڈالرکی مانگ اور سونے کی قیمتوں میں اضافہ

سونے کے فی تولہ بھاؤ میں 200 روپے جبکہ اوپن مارکیٹ میں ڈالر کے ریٹ میں 1 روپے کا اضافہ ہوا

کراچی: عالمی مارکیٹ میں سونے کی فی تولہ قیمت میں  2 ڈالر فی اونس اضافہ ہوا جس کے بعد مقامی صرافہ بازاروں میں بھی سونے کے نرخ بڑھ گئے جبکہ اوپن مارکیٹ میں بھی امریکی کرنسی کی قدر میں ایک روپے کا اضافہ ہوا۔

تفصیلات کے مطابق عالمی مارکیٹ میں ٹریڈنگ کے دوران سونے کے نرخ 2 ڈالر اضافے کے بعد 1214 فی اونس تک پہنچے جس کے مقامی مارکیٹ پر بھی اثرات مرتب ہوئے اور قیمتوں میں اضافہ دیکھا گیا۔

تاجروں کے مطابق سونے کی فی تولہ قیمت میں 200 روپے کا اضافہ ہوا جس کے بعد قیمت 55ہزار 200 جبکہ 10 گرام سونا 172 روپے بڑھ کر 47 ہزار 325 روپے تک پہنچا۔

صرافہ بازار ایسوسی ایشن کے مطابق کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی خرید و فروخت نئے داموں کے ساتھ ہوئی۔

دوسری جانب اوپن مارکیٹ میں روپے کی قدر کم ہوئی جبکہ ڈالر کی قیمت میں ایک روپے اضافہ ہوا جس کے بعد امریکی کرنسی 123 روپے 50 پیسے کے دام سے فروخت ہوئی۔

واضح رہے کہ گزشتہ ایک ہفتے کے دوران مقامی صرافہ بازاروں میں سونے کی فی تولہ قیمت 5 ہزار 50 روپے جبکہ ڈالر کی قدر میں 4 روپے سے زائد کمی ہوئی، اس سے قبل سونے اور امریکی کرنسی کے بھاؤ میں تیزی دیکھی گئی تھی۔

واضح رہے کہ پاکستان میں ہونے والےعام انتخابات کے بعد سے ڈالر کی قدر میں نمایاں کمی دیکھی گئی جس کے باعث سونے کی قیمتوں میں 3100 روپے کی کمی ریکارڈ کی گئی تھی۔

25 جولائی کے بعد سے مقامی صرافہ بازاروں میں سونے کی فی تولہ قیمتیں مسلسل نیچے آرہی تھیں کہ دو روز قبل بھاؤ میں پھر اضافہ ہوا تھا تاہم اب عالمی مارکیٹ میں فی اونس کمی کے بعد پھر قیمتیں نیچے آنے لگیں۔

Comments

comments

یہ بھی پڑھیں