The news is by your side.

Advertisement

روپے کی قدر میں کمی میں خود حکومت ملوّث ہے، کرنسی ڈیلرز

اسلام آباد : امریکی ڈالر نے ایک بار پھر پاکستانی روپے کو پسپا کرنا شروع کردیا۔ کرنسی مارکیٹ ڈیلرز کا کہنا ہے کہ روپے کی قدر میں کمی میں خود حکومت کا ہاتھ ہے۔

لوڈ شیڈنگ میں کمی اور دیگر دعوؤں کی طرح ایک اور حکومتی دعویٰ غلط ہوگیا۔ جولائی سے اب تک روپے کی قدر میں ساڑھے تین فیصد کی کمی ریکارڈ کی گئی۔

اوپن مارکیٹ میں ڈالر کی قدر ایک سو پانچ روپے نوے پیسے کے قریب آگئی۔ انٹر بینک مارکیٹ میں بھی ڈالر کی قدر میں اضافہ ہوا۔ اور یہ ایک سو پانچ روپے پچاس پیسے کی قریب جاپہنچی۔

کرنسی مارکیٹ ڈیلز کا کہنا ہے کہ انٹر بینک مارکیٹ میں ڈالر کی قدر دیکھتے ہی دیکھتے بڑھنے لگی۔ ڈیلز کا کہنا ہے کہ آئی ایم ایف کو خوش کر نے کیلئے روپے کی قدر میں کمی کی گئی ہے.

کرنسی ڈیلرز کا کہنا ہے کہ ڈالر کی قدر میں فوری کمی کا کوئی امکان نہیں۔ڈالر روپے کو مزید دھکیلتے ہوئے ایک سو آٹھ روپے تک کا ہوسکتا ہے۔

Print Friendly, PDF & Email

Comments

comments

یہ بھی پڑھیں