کراچی : ملک میں روپے کے مقابلے ڈالر کی قیمت میں کمی کا سلسلہ جاری ہے، آج روپے کی قدر میں معمولی اضافہ ہوا۔
پاکستان میں موجودہ سیاسی ومعاشی صورتحال کے باوجود ملک بھر میں ایک مرتبہ پھر امریکی ڈالر کے مقابلے میں روپے کی قدر کسی حد تک بحال ہوئی ہے۔
اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق منگل کے روز انٹر بینک میں ایک پیسے سستا ہو کر ڈالر 284 روپے 96 پیسے پر بند ہوا ہے۔
Interbank closing #ExchangeRate for todayhttps://t.co/n6PeUqHJxq pic.twitter.com/TlY9yGvtsY
— SBP (@StateBank_Pak) May 16, 2023
کاروباری ہفتے کے ابتدائی دو دنوں میں ڈالر کے بھاؤ میں 12 پیسے کی کمی ہوئی جب کہ اوپن مارکیٹ میں امریکی کرنسی کی قیمت فروخت 298 روپے ہے۔
اس حوالے سے فاریکس ڈیلرز کا کہنا ہے کہ درآمد کنندگان کو ڈالر 285.46 روپے میں فروخت کیا گیا جبکہ اوپن مارکیٹ میں ڈالر 293 روپے میں فروخت ہوا۔
خیال رہے کہ گزشتہ تین کاروباری روز کے دوران روپے کے مقابلے میں امریکی ڈالر کی قیمت میں مسلسل کمی دیکھنے کو مل رہی ہے۔
