اوپن مارکیٹ: ڈالر کی قیمت بلند ترین سطح پر پہنچ گئی
The news is by your side.

Advertisement

اوپن مارکیٹ: ڈالر کی قیمت بلند ترین سطح پر پہنچ گئی

کراچی: انٹربینک میں ڈالر کی قیمت میں معمولی کمی ہوئی جبکہ اوپن مارکیٹ میں اس کی قیمت ریکارڈ سطح پر پہنچ گئیں۔

تفصیلات کے مطابق کاروباری ہفتے کے دوسرے روز اوپن مارکیٹ میں ڈالر بلند ترین سطح پر پہنچا جبکہ انٹر بینک میں ڈالرکی قیمت میں معمولی کمی دیکھی گئی۔

ڈالرز کی لین دین کرنے والے تاجروں کے مطابق اوپن مارکیٹ میں ڈالر کی قیمت 125روپے سے تجاوزکرگئی اور قیمت خرید 124 روپے 50 پیسے جبکہ فروخت 125 روپے 50 پیسے میں ہوئی۔

دوسری جانب انٹر بینک میں آج روپے کے مقابلے میں امریکی ڈالر کی قدر میں 13پیسے کی کمی ریکارڈ ہوئی اور مارکیٹ میں ڈالر کی قدر 121 روپے 60 پیسے پر بند ہوئی۔

مزید پڑھیں: عید الفطرکے بعد پہلا کاروباری دن، ڈالرکی اڑان جاری

یاد رہے کہ رمضان المبارک کے آخری دنوں میں امریکی ڈالر 123 روپے سے تجاوز کرکے پہلے ہی نیا ریکارڈ بنا چکا ہے، کرنسی ڈیلرزکا ماننا  ہے کہ بڑھتے ہوئے تجارتی اور کرنٹ اکاؤنٹ خسارے کے سبب روپے کی قدر شدید دباوٴ کا شکار ہے۔

کرنسی ڈیلرز کا یہ بھی کہنا تھا کہ روپے کی قدر گرانے کا فیصلہ نگراں حکومت اور اسٹیٹ بینک کا تھا جس کی وجہ سے ڈالر کی قیمتوں کو پر لگے کیونکہ حکومت نے کرنسی مارکیٹ کو فری کردیا تھا۔

دوسری جانب یاد رہے کہ عید الفطر کی تعطیلا ت سے قبل روپے کی قدر میں کمی کے باعث فی تولہ سونے کی قیمت میں 500 روپے جبکہ 10 گرام کی قیمت میں 429 روپے کا اضافہ ہوا  تھا، جس کے بعد 10 گرام کی قیمت 50 ہزار 9سو 26 روپے تک پہنچ گئیں تھی۔

یہ بھی پڑھیں: ڈالر کی بڑھتی قیمتوں کے باعث سونے کے بھاؤ میں اضافہ

عید  سے قبل کرنسی ڈیلروں کا کہنا تھا کہ ڈالرکی قیمت میں اضافہ حکومت کے گلے پڑگیا ہے ،ڈالرکی قیمت میں اضافہ خام تیل کے درآمد اور بل کی ادائیگی کے باعث ہوا اور اسی وجہ سے روپے کی قدر میں چھ فیصد سے زائد کی کمی ہوئی۔

  ترجمان اسٹیٹ بینک نے اس غیرمعمولی اضافے پر وضاحت پیش  کرتے ہوئے کہا تھا  کہ ڈالر مہنگا ہونے کی وجہ انٹر بینک مارکیٹ میں زرمبادلہ کی طلب و رسد کا فرق ہے۔روپے کی قدر میں ایڈجسٹمنٹ بیرونی توازن ادائیگی کی عکاس ہے، مذکورہ اضافہ بیرونی توازن ادائیگی پر دباؤ بڑھتے ہوئے تجارتی خسارے کے باعث آیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں