کراچی: پاکستانی روپے کے مقابلے میں امریکی ڈالر کی قدر میں گراوٹ کا سلسلہ برقرار ہے۔
انٹر بینک میں آج بھی روپے کی قدر میں استحکام رہا۔ ڈالر 86 پیسے سستا ہو کر 297 روپے 96 پیسے پر بند ہواجبکہ بینکوں نے درآمد کنندگان کو ایل سیز کھولنے کیلیے ڈالر 298 روپے 46 پیسے میں فروخت کیا۔
آٹھ روز میں انٹر بینک میں ڈالر 9 روپے 14 پیسے سستا ہو چکا ہے۔ فاریکس ڈیلرز کے مطابق اوپن مارکیٹ میں ڈالر 3 روپے سستا ہو کر 298 روپے میں فروخت کیا جا رہا ہے، دو ہفتوں کے دوران اوپن مارکیٹ میں ڈالر 21 روپے سستا ہو چکا ہے۔
Interbank closing #ExchangeRate for todayhttps://t.co/vzWPNE83s0#SBPExchangeRate pic.twitter.com/jNNfdlVkfv
— SBP (@StateBank_Pak) September 14, 2023
گزشتہ روز انٹر بینک مارکیٹ میں ڈالر کے مقابلے میں پاکستانی کرنسی کی مضبوطی کا سلسلہ جاری رہا تاہم اوپن مارکیٹ میں روپے کی قدر مزید ایک روپے 7 پیسے کم ہوئی تھی۔
انٹر بینک مارکیٹ میں روپے کی قدر 0.36 فیصد مستحکم ہوئی جس کے بعد ڈالر 298 روپے 82 پیسے پر بند ہوا تھا۔
