The news is by your side.

Advertisement

ایک ہفتے میں ڈالر کی قیمت میں 5 روپے اضافہ، 192 پر پہنچ گیا

کراچی: پاکستانی روپے کے مقابلے میں امریکی ڈالر کی قدر میں بے تحاشہ اضافہ جاری ہے، صرف رواں ہفتے ڈالر کی قیمت میں 5 روپے سے زائد اضافہ ہوا ہے۔

تفصیلات کے مطابق کاروباری ہفتے کے آخری روز جمعہ کو امریکی ڈالر ملکی تاریخ کی بلند ترین سطح پر پہنچ گیا، دن کے آغاز پر انٹر بینک میں ڈالر 1 روپے 12 پیسے مہنگا ہو کر 192 روپے 90 پیسے پر ٹریڈ کرنے لگا۔

اس دوران اوپن مارکیٹ میں ڈالر 194 روپے پر فروخت ہونے لگا۔

دن کے اختتام تک ڈالر کی قیمت میں مجموعی طور پر 76 پیسے اضافہ ہوا اور ڈالر 192 روپے 53 پیسے پر بند ہوا۔

یاد رہے کہ عید الفطر کی تعطیلات ختم ہونے کے بعد سے ڈالر کی قیمت قابو میں نہیں آرہی۔

رواں ہفتے انٹر بینک میں ڈالر 5 روپے 90 پیسے مہنگا ہوا اور اس کی قیمت 186 روپے سے 192 روپے پر جا پہنچی ہے۔

Comments

یہ بھی پڑھیں