کراچی: تمام تر حکومتی اقدامات کے باوجود ڈالر کی اونچی اڑان جاری ہے۔
فاریکس ڈیلرز کے مطابق انٹر بینک میں ڈالر کی قیمت میں 66 پیسے اضافہ ہوا ، جس کے بعد ڈالر 174 روپے 42 پیسے پر پہنچ گئی ہے۔
اس اڑان کے نتیجے میں ڈالر اوپن مارکیٹ میں 175 روپے پر فروخت ہورہا ہے جبکہ انٹربینک مارکیٹ میں ڈالر کی قدر 174 روپے سے بھی تجاوز کرگئی۔
واضح رہے کہ ایک ہفتے سے ڈالر کی قدر میں مسلسل اضافے کا رجحان دیکھنے میں آیا ہے، گزشتہ چند دنوں کے دوران انٹر بینک میں ڈالر 4 روپے 4 پیسے مہنگاہوا جبکہ رواں ہفتے کے آغازسے اب تک ڈالر 4 روپے 50 پیسے تک مہنگا ہوچکا ہے۔
یا د رہے کہ گزشتہ دنوں سعودی عرب کی جانب سے پاکستان کی مالی معاونت کی گئی تھی جس کے بعد روپے کی قدت مستحکم ہوئی تھی۔
یہ بھی پڑھیں: سونے کی قیمت میں ہزاروں روپے کمی، ڈالر بھی سستا ہوگیا
ماہرین کا کہنا ہے کہ مجموعی طور پر رواں سال روپے کی قدر میں کمی ہی ریکارڈ کی گئی ہے۔رواں سال کے آغاز سے اب تک ڈالر کی قیمت کی شرح میں 10 فیصد اضافہ ریکارڈ کیا گیا۔
ماہرین کے مطابق عالمی سطح پر مہنگائی ۔ افغانستان کی صورتحال اور تیل کی قیمتوں میں اضافہ ایسے عوامل ہیں جو پاکستانی کرنسی کی بے قدری اور ڈالر کی قیمت میں اضافے کی وجہ رہے ہیں۔
