The news is by your side.

Advertisement

سمندری طوفان، سڑک پر جمع ہونے والے پانی میں سمندری مخلوق، سب خوفزدہ ہوگئے

سمندری طوفان “آئیڈا” کی تباہ کاریوں کے باعث گہرے سمندر میں رہنے والی ڈولفن سیلابی پانی میں جا پھنسی۔

امریکی ریاست لوئزیانا ان دنوں سمندری طوفان “آئیڈا” سے نبردآزما ہے، آئیڈا نے امریکی ریاست میں تباہی مچارکھی ہے، تاہم طوفان کے باعث لوئزیانا کے ایک خاندان کو کچھ دیر کے لئے تفریح کا سامان میسرہوا۔

ہوا کچھ یوں کہ ایک خاندان سمندری طوفان کے باعث متاثر ہونے والے اپنے پڑوسی کے نقصان کا جائزہ لینے پہنچا تو انہیں یہ دیکھ کر حیرانی ہوئی کہ قریبی علاقے میں موجود سیلابی پانی میں ڈولفن تیررہی ہے۔

اس موقع پر ایک شخص نے سیلابی پانی میں پھنسی ڈولفن کی مختصر ویڈیو بھی بناڈالی، ویڈیو میں دیکھا جاسکتا ہے کہ ڈولفن سیلابی پانی میں ادھر ادھر محفوظ راستے کی تلاش میں تیررہی ہے۔

مقامی شخص امانڈا ہولنگ نے میڈیا کو بتایا کہ یہ ڈولفن گذشتہ دو دنوں سے اس علاقے میں تیر رہی ہے، ہولنگ کا کہنا تھا کہ ڈولفن کو بچانے کے لئے وہ ایک ریسکیو گروپ سے رابطے میں ہے، جسے اگلے چند روز میں راستہ نہ ملنے کی صورت میں محفوظ مقام پر منتقل کردیا جائے گا۔

واضح رہے کہ ماحولیاتی تبدیلی کے باعث کٹیگری فور میں تبدیل ہونے والا سمندری طوفان”آئیڈا” نے کئی امریکی ریاستوں میں تباہی مچارکھی ہے، جس کے باعث نظام زندگی درہم برہم ہوچکا، لوئزیانا بھی انہیں ریاستوں میں شامل ہے۔

Comments

یہ بھی پڑھیں