The news is by your side.

Advertisement

جسم پر بم کا جعلی باکس باندھ کر فارمیسی لوٹنے کی کوشش کرنے والا ملزم گرفتار

لاہور : علاقے شفیق آباد میں ڈولفن ٹیم نمبر 262 نے فارمیسی کو اپنے جسم پر بم کا جعلی باکس باندھ کر لوٹنے کی کوشش کرنے والا ملزم گرفتار کر لیا۔

تفصیلات کے مطابق لاہور کے علاقے شفیق آباد میں ڈولفن اسکواڈ نے فارمیسی لوٹنے کی کوشش ناکام بنادی ، اسکواڈ کو اطلاع موصول ہوئی کہ فارمیسی میں واردات ہو رہی ہے، ڈولفن ٹیم 262 کے پہنچنے پر ملزم نے نقلی بم باکس کو جسم پر باندھا ہوا تھا، ملزم نے ڈولفن ٹیم کونقلی بم دکھا کر ڈرانے کی کوشش کی اور جان سے مار دینے کی دھمکیاں بھی دیں۔

ڈولفن ٹیم نے فارمیسی میں نقلی بم نما باکس باندھ کر واردات کرنیوالا ملزم سرفراز کو گرفتار کر لیا۔ڈولفن ٹیم نے ملزم سے نقلی بم نما باکس برآمد کر لیا ہے۔

پولیس نے ملزم سرفراز کے خلاف تھانہ شفیق آباد میں مقدمہ درج کر کے تحقیقات شروع کر دی ہیں۔

Comments

یہ بھی پڑھیں