پاکستان اٹامک انرجی کمیشن کی نیو کلیئر پاور پلانٹ میں ایک اور کامیابی -
The news is by your side.

Advertisement

پاکستان اٹامک انرجی کمیشن کی نیو کلیئر پاور پلانٹ میں ایک اور کامیابی

کراچی: پاکستان اٹامک انرجی کمیشن نے نیو کلیئر پاور پلانٹ میں ایک اور کام یابی حاصل کرلی، کراچی پاور پلانٹ تھری کا ڈوم نصب کر دیا گیا۔

تفصیلات کے مطابق پاکستان اٹامک انرجی کمیشن نے نیو کلیئر پاور پلانٹ تھری میں ڈوم نصب کر دیا، یہ انرجی کمیشن کی جانب سے ایک اور بڑی کام یابی ہے۔

ترجمان اٹامک انرجی کمیشن شاہد ریاض نے بتایا کہ ڈوم پاور پلانٹ کا سب سے مضبوط حصہ ہوتا ہے، جو نیو کلیئر پاور پلانٹ کے تابکاری اثرات کی روک تھام کرتا ہے۔

چیئرمین اٹامک انرجی کمیشن محمد نعیم کا کہنا تھا کہ گنبد کی تنصیب سے کراچی تھری نیو کلیئر پاور پلانٹ کا سول ورک مکمل ہو گیا ہے۔ یہ بجلی کی پیداوار کا ایک بڑا منصوبہ ہے۔

محمد نعیم نے کہا کہ کراچی ٹو اور تھری پاور پلانٹ شیڈول کے مطابق پیداوار شروع کردیں گے، کراچی ٹو، تھری پاور پلانٹ کی تکمیل سے 2200 میگا واٹ بجلی پیدا ہوگی۔


ترقیاتی فنڈ کی مد میں 30 ارب سے زائد روپے جاری


خیال رہے کہ گزشتہ ماہ منصوبہ بندی کمیشن نے اٹامک انرجی کمیشن کو منصوبوں کی تکمیل کے لیے 4 ارب 67 کروڑ روپے جاری کیے تھے۔

پاکستان نے 1972 میں کراچی میں 137 میگا واٹ کا پلانٹ لگا کر سول نیوکلئیر پاور پروگرام کا آغاز کیا تھا اور یہ سفر اب بھی کام یابی سے جاری ہے۔

Comments

comments

یہ بھی پڑھیں