site
stats
حیرت انگیز

اڑنے والے کیڑے کی نئی قسم کا نام ڈونلڈ ٹرمپ پر رکھ دیا گیا

کیلیفورنیا میں ماہرینِ حیوانیات نے حیواناتی خاندان کی کلاس انسیکٹا کے ایک گروپ ’’ماؤتھ‘‘ کی نئی جنس دریافت کی ہے جس کے سر اور بالوں کی ساخت اور رنگ نئے امریکی صدر کے بالوں کے اسٹائل اور سر کی ساخت سے مماثلت رکھتی ہے جس کی وجہ سے دریافت ہونے والے کیڑے کو امریکی صدر ڈونلڈ ٹرمپ کے نام پر سائنسی نام ”نیو پالبا ڈونلڈ ٹرمپی‘‘ رکھاگیا۔

 

ماہرین حیوانیات کا کہنا ہے کہ اڑنے والے ایسے کیڑے بہ ظاہر تتلیوں یا پروانوں کی سی مشابہت رکھتے ہیں تاہم کچھ دیگر خصوصیات کے باعث انہیں اڑنے والے کیڑوں کے گروپ ’’ماؤتھ‘‘ میں رکھا جاتا ہے جس کی ایک نوع ’’نیوپالپا‘‘ ہے

donald-trumpi

حال ہی میں نیو پالپا کی نئی قسم سامنے آئی ہے جسے دیکھتے ہی پہلی شباہت ڈونلڈ ٹرمپ کی سامنے آتی ہے جس کے باعث اس کا سائنسی نام بھی امریکی صدر ڈونلڈ ٹرمپ کے نام پر رکھ دیا گیا ہے۔

donald-trump-post-2

”نیوپالپا ڈونلڈ ٹرمپی‘‘ کی دریافت اور شناخت کا سہرا امریکا سے تعلق رکھنے والے ایک آزاد محقق ڈاکٹر وزرک نذاری کے سر جاتا ہے جو اپنی ذاتی لیبارٹری میں آزاد تحقیق کرتے ہیں ان کا تعلق کسی تحقیقی ادارے سے براہ راست تو نہیں تاہم وہ مختلف اداروں کو تحقیق میں مدد دیتے ہیں۔

donald-trump-post-1

ڈاکٹر وزرک نذاری نے اپنی دریافت سے متعلق مکمل سائنسی تحقیق آن لائن ریسرچ جرنل ’’زوکیز‘‘ میں شائع کروائی جس کے مطابق پروانے کے مشابہ اڑنے والا یہ کیڑا جنوبی کیلیفورنیا اور میکسیکو میں پایا جاتا ہے جب کہ اب تک اسے پروانوں کی ہی ایک اور متعلقہ نوع کا فرد سمجھا جاتا تھا۔

تاہم سائنس دانوں کی ازسر نو تحقیق میں اس بات کا انکشاف ہوا ہے کہ یہ ایک جداگانہ نوع ہے جس کے سر کی رنگت سفیدی مائل پیلی ہے جو دیکھنے میں ڈونلڈ ٹرمپ کے بالوں جیسی لگتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top