واشنگٹن : ڈونلڈ ٹرمپ کی متنازعہ تقاریر کے سبب امریکی انتخابات میں ان کی کامیابی کے بعد امریکی شہریوں کی بڑی تعداد نے کینیڈا منتقل ہونے کیلیے آن لائن درخواستیں دینا شروع کردی ہیں، جس کے سبب کینیڈین امیگریشن کی ویب سائٹ کریش کر گئی۔
تفصیلات کے مطابق فرانسیسی خبر رساں ایجنسی نے بتایا ہے کہ کینیڈا کی مرکزی امیگریشن ویب سائٹ پر گزشتہ رات بے پناہ لوڈ تھا جس کی وجہ سے ویب سائٹ صارفین کو مشکلات کا سامنا کرناپڑا۔
جس کے سبب ویب سائٹ کریش کرگئی، اس کی وجہ امریکہ میں ڈونلڈ ٹرمپ کو انتخابات میں حاصل ہونے والی واضح برتری تھی۔
امریکہ کینیڈا اور ایشیاء میں صارفین کو ویب سائٹ پرجانے پر انٹرنل سرور ایرر کا پیغام نظر آرہا ہے۔ کینیڈا کی سٹیزن شپ اینڈ امیگریشن سروس (سی آئی سی) کے حکام سے فوری طور پر اس پر موقف حاصل نہیں کیا جاسکا۔ تاہم کچھ ماہرین کا کہنا ہے اس کی وجوہات کچھ اور ہوسکتی ہیں۔
برطانوی نشریاتی ادارے بی بی سی کے مطابق یونیورسٹی آف سرے کے پروفیسر ایلن ووڈ نے کہا ہے کہ یہ محض ایک غیرمعمولی اتفاق ہوسکتا ہے۔ تاہم اس سے قطع نظرسوشل میڈیا پر اس حوالے سے بہت زیادہ بیان بازی کی جارہی ہے۔
Searches for "how can I move to Canada” on Google have spiked +350% in the past four hours #SuperTuesday
— Simon Rogers (@smfrogers) March 2, 2016
اس معاملے پرسماجی رابطے کی ویب سائٹ ٹویٹر پر بھی کئی صارفین ویب سائٹ بند ہونے کی متعدد شکایت کرچکے ہیں۔ اس کے علاوہ ‘ورج’ ویب سائٹ کے مطابق ہلیری کلنٹن کی ٹیکسٹ میسج اور ٹیلی فون کے ذریعے ووٹروں کو مائل کرنے کی مہم کو بھی کچھ وقت کے لیے سائبر حملے کا سامنا رہا۔
The Canadian Immigration website has crashed. Seriously. #ElectionNight pic.twitter.com/XXSfCorTd1
— Cause We’re Canadian (@MadelnCanada) November 9, 2016
