فلوریڈا: ریپبلکن پارٹی کے صدارتی امیدوار ڈونلڈ ٹرمپ کا کہنا ہے کہ امریکی صدر اور ہیلری کلنٹن داعش کے بانی ہیں.
تفصیلات کے مطابق رپپبلکن پارٹی کے صدارتی امیدوار ڈونلڈ ٹرمپ نے گزشتہ روز ریاست فلوریڈا کے شہر فورٹ لاڈرڈیل میں تقریر کرتے ہوئے کہا کہ دولت اسلامیہ والے اوباما کا احترام کرتے ہیں،انہون نے الزام صدر اوباما پر الزام عائد کیا کہ وہ دولتِ اسلامیہ کے بانی ہیں.
ڈونلڈ ٹرمپ نے اپنی حریف ہیلری کلنٹن کو بھی تنقید کا نشانہ بناتے ہوئے کہا کہ وہ دولتِ اسلامیہ کی شریک بانی ہیں.
دوسری جانب ہیلری کلنٹن نے ڈونلڈ ٹرمپ کے ایک بیان،جس میں انہوں نے کہا تھا کہ اسلحہ رکھنے کے حقوق کے حامی ہیلری کو جیتنے سے روک سکتے ہیں.اس پر ردعمل کا اظہار کرتے ہوئے ہیلری کلنٹن نے کہا کہ وہ لوگوں کو تشدد پر اکسا رہے ہیں.
*ہیلری کلنٹن داعش کی بانی اور اوباما بدترین صدر ہیں،ٹرمپ
یاد رہےگزشتہ ہفتے ڈونلڈ ٹرمپ نے اپنی مخالف امیدوار ہیلری کلنٹن کو داعش کا بانی جبکہ صدربراک اوباما کو کمزور صدرقرار دے دیا تھا.
