احمد آباد: امریکی صدر کے دورہ بھارت کے دوران وزیراعظم نریندر مودی نے ڈونلڈ ٹرمپ کا نام بگاڑ دیا جب کہ امریکی صدر نے بھی کرارا جواب دیتے ہوئے بھارتی اسٹارز بلے کرکٹرز کے نام بگاڑ دیے۔
احمد آباد میں کرکٹ کے سب سے بڑے اسٹیڈیم میں نام بگاڑنے کا مقابلہ چل پڑا، مودی نے پہلے امریکی صدر کا نام بگاڑا تو ٹرمپ نے بھی بھارتی کرکٹرز کا نام بگاڑ کر حساب چکتا کردیا۔
https://www.facebook.com/DhruvRatheePage/videos/199474434755487/
امریکی صدر کی آمد پر استقبالی کلمات میں بھارتی وزیراعظم خوشی کے مارے اپنے حواس پر قابو نہ رکھ سکے اور ڈونلڈ ٹرمپ کا ٹھیک سے نام لینا بھول گئے، نریندر مودی نے ڈونلڈ ٹرمپ کو "ڈونالڈ ٹرمپ” کہہ ڈالا۔
اپنے دوست کی جانب سے نام بگاڑنے کے مقابلے میں امریکی صدر بھی پیچھے نہ رہے اور بھارتی لیجنڈری بیٹسمین سچن ٹنڈولکر کا نام خراب کردیا۔
ٹرمپ نے کہا کہ یہ وہ ملک ہے جہاں”سوچن ٹنڈولکررر، اور ویروت کولی ” جیسے دنیائے کرکٹ کے بڑے کھلاڑیوں پر لوگ خوش ہوتے ہیں۔
Something about Donald Trump's pronunciation of Sachin Tendulkar tells me he isn't a huge cricket fan pic.twitter.com/stFhq46MLx
— Andy Silke (@andysilke) February 24, 2020
تقریر میں ڈونلڈ ٹرمپ کو دونوں کا نام لینے میں دشواری کا سامنا رہا اور سوچ سمجھ کر الفاظ ادا کرنے کی کوشش کر رہے تھے۔
نریندر مودی اور ڈونلڈ ٹرمپ کی جانب سے نام بگاڑنے کی مضحیکہ خیز ویڈیوز سوشل میڈیا پر وائرل ہوگئی ہیں اور لوگ اس پر اپنے اپنے انداز میں ردعمل دے رہے ہیں۔