واشنگٹن: امریکی صدر ڈونلڈ ٹرمپ نے کہا ہے کہ چینی دوستوں کو واضح کہا تھا ڈیل نہ کی تو چین کو بہت نقصان ہوگا۔
تفصیلات کے مطابق امریکی صدر ڈونلڈ ترمپ نے سماجی رابطے کی ویب سائٹ ٹویٹر پر اپنے پیغام میں کہا ہے کہ چینی دوستوں کو پہلے ہی کہا تھا ڈیل نہ کی تو چین کو بہت نقصان ہوگا، کمپنیاں چین سے نکل کر دوسرے ملکوں میں چلی جائیں گی۔
امریکی صدر نے کہا کہ چین میں خریداری بہت مہنگی ہوگی، اچھی ڈیل تقریباً مکمل ہورہی تھی اور آپ پیچھے ہٹ گئے۔
واضح رہے کہ امریکا اور چین کے درمیان تجارتی جنگ شدت اختیار کرگئی ہے۔
I say openly to President Xi & all of my many friends in China that China will be hurt very badly if you don’t make a deal because companies will be forced to leave China for other countries. Too expensive to buy in China. You had a great deal, almost completed, & you backed out!
— Donald J. Trump (@realDonaldTrump) May 13, 2019
چین اور امریکا کے درمیان تجارتی جنگ کے خاتمے کے مذاکرات جاری تھے جو ٹرمپ کی جانب سے اضافی محصولات عائد کیے جانے کے بعد ناکام ہوگئے۔
امریکی اقدام کے ردعمل میں چین نے شدید برہمی کا اظہار کرتے ہوئے امریکا پر جوابی محصولات عائد کرنے کی دھمکی دی ہے، اس سے قبل بھی چین جواباً 110 بلین ڈالر اضافی محصولات امریکی منصوعات پر عائد کرچکا ہے۔
چینی وزارت خارجہ کی جانب سے جاری کردہ بیان میں کہا گیا ہے کہ امریکا تجاری جنگ کے خاتمے کے لیے غیرسنجیدگی کا مظاہرہ کررہا ہے۔ جبکہ ردعمل میں امریکی حکام نے موقف اختیار کیا ہے کہ چین مذاکرات سے پیچھے ہٹ رہا ہے۔