واشنگٹن : امریکی صدر ڈونلڈ ٹرمپ نے اپنی اور اہلیہ میلانیا ٹرمپ کی جانب سے امریکہ اور دنیا بھر کے مسلمانوں کو عید الفطرکی مبارکباد دی ہے۔
تفصیلات کے مطابق امریکی صدر ڈونلڈ ٹرمپ نے اپنے پیغام میں کہا کہ میں اور میری اہلیہ ملانیا ٹرمپ امریکہ اور دنیا بھر کے مسلمانوں کو عیدالفطرکی مبارکباد پیش کرتے ہیں۔
امریکی صدر نے کہا کہ مسلمان ماہ صیام کے اختتام پرعیدالفطرمناتے ہیں اور اپنے ساتھیوں کے لیے محبت اور خوشی کا جذبہ لیے روز مرہ کے معمول پرواپس آتے ہیں۔
ڈونلڈ ٹرمپ نے کہا کہ عید ہمیں تعلقات مضبوط بنانے کا موقع فراہم کرتی ہے اور درگزر کوفروغ دینے کا یہ بہترین موقع ہے۔
امریکی صدر نے امید ظاہر کی کہ امن وخیرسگالی کا یہ جذبہ اور عید کی خوشیاں جس نے اس وقت سب کوسرشار کر رکھا ہے، سارا سال دنیا کو اپنے حصار میں لیے رکھے گی۔
عالمی رہنماؤں کی دنیا بھر کے مسلمانوں کو عید کی مبارکباد
خیال رہے کہ گزشتہ روز عالمی رہنماؤں نے دنیا بھر کے مسلمانوں کو عیدالفطر کی مبارکباد دی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
