The news is by your side.

Advertisement

اے آر وائی نیوز کے صحافیوں کا ڈیموں کی تعمیر میں عطیہ دینے کا اعلان

لاہور : پاکستان میں ڈیموں کی تعمیر کیلئے بنائے جانے خصوصی فنڈ میں اے آر وائی کے صحافیوں نے بھی اپنا حصہ ڈال دیا، عارف حمید بھٹی، صابر شاکر اور بیرسٹر احتشام امیرالدین نے تین لاکھ روپے عطیہ کردیئے۔

تفصیلات کے مطابق سپریم کورٹ کی جانب سے حکم جاری ہونے کے بعد وفاقی حکومت نے دو ڈیمز دیامیر بھاشا اور مہمند کی تعمیر کے لیے فنڈز قائم کیے ہیں جس میں مختلف شعبہ ہائے زندگی سے تعلق رکھنے والے افراد اس کار خیر میں بڑھ چڑھ کر حصہ لے رہے ہیں۔

اس سلسے میں اے آر وائی نیوز کے پروگرام دی رپورٹرز کے اینکرز عارف حمید بھٹی، صابر شاکر اور بیرسٹر احتشام امیرالدین نے فی کس ایک ایک لاکھ روپے عطیہ کرنے کا اعلان کیا ہے۔

قبل ازیں  پاک فوج کے افسران  بھی اس کار خیر میں اپنا حصہ ڈالتے ہوئے دو دن کی تنخواہ اور تینوں مسلح افواج کے جوان بھی ایک دن کی تنخواہ مذکورہ فنڈ میں جمع کرائیں گے۔

مزید پڑھیں : مسلح افواج کا ڈیموں کی تعمیر کے کار خیر میں بڑھ چڑھ کرحصہ لینے کا اعلان

اس سے قبل چیف جسٹس میاں ثاقب نثار نے ذاتی طور پر ڈیموں کی تعمیر کے لئے دس لاکھ روپے کا عطیہ جمع کرایا تھا جبکہ میئر کراچی اور پیر پگارا نے بھی ہر قسم کے تعاون کی پیشکش کی تھی اور میئر کراچی بھی اپنی اور کے ایم سی افسران کی جانب سے ایک ایک لاکھ روپے فنڈ عطیہ کرنے کا اعلان کرچکے ہیں۔

مزید پڑھیں: چیف جسٹس نے ڈیمز کی تعمیر کیلئے 10لاکھ روپے کا عطیہ جمع کرادیا

واضح رہے کہ سپریم کورٹ کی جانب سے حکم جاری ہونے کے بعد وفاقی حکومت نے دو ڈیمز دیامیر بھاشا اور مہمند کی تعمیر کے لیے فنڈز قائم کردیئے، اسٹیٹ بینک آف پاکستان نے عطیات جمع کرانے کے لیے اکاؤنٹس بھی کھول دیئے ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں