کراچی: محکمہ کالج ایجوکیشن نے انٹرسال اول میں داخلے کے لیے ڈومیسائل اور دیگر دستاویز طلب نہ کرنے کی ہدایت کردی۔
تفصیلات کے مطابق محکمہ کالج ایجوکیشن کی جانب سے انٹرسال اول میں داخلے کے لیے ڈومیسائل اور دیگر دستاویز طلب نہ کرنے کی ہدایات جاری کردی گئیں۔
محکمہ کالج ایجوکیشن کا کہنا ہے کہ ڈومیسائل اور دیگر دستاویزات رجسٹریشن فارم جمع کراتے وقت طلب کی جائیں۔
محکمہ کالج ایجوکیشن نے تمام کالجوں کو پالیسی کے تحت داخلہ حاصل کرنے والوں کو فوری داخلہ فراہم کرنے کی ہدایت کرتے ہوئے کہا شکایت کی صورت ڈی جی کالجز کے دفتر سے رابطہ کیاجائے۔
یاد رہے سندھ میں سرکاری کالجوں میں داخلے کے لیے ڈومیسائل اور پی آرسی کی شرط عائد کردی گئی تھی ، جس کے باعث طلبا کو مشکلات کا سامنا تھا۔
آن لائن فارم اور مکمل ریکارڈ محکمہ تعلیم کے پاس جمع ہونے غیر ضروری دستاویزات کالجوں میں طلب کی جارہی ہے، طلبہ وطالبات کے مطابق مطلوبہ داخلہ میعار مکمل ہونے باوجود داخلہ مرحل مشکل ہوچکا ہے۔
طالب علموں نے مطالبہ کرتے ہوئے کہا تھا کہ اون فارم جمع کراتے پورا بائیو میٹرک محکمہ تعلیم کو فراہم کرچکے ہیں، وزیر اعلی سندھ صورت حال کا نوٹس لیں۔
