مکہ مکرمہ: آرمی چیف جنرل عاصم منیر نے عمراہ ادا کرلیا، سپہ سالار کے لئے خصوصی طور پر بیت اللہ شریف کا دروازہ کھولا گیا۔
تفصیلات کے مطابق آرمی چیف جنرل عاصم منیر آج کل سعودی عرب کے دورے پر ہیں، جہاں انہوں نے مکہ مکرمہ میں عمرہ ادا کیا۔
عمرہ ادائیگی کے دوران آرمی چیف کیلئے خصوصی طور پر بیت اللہ کا دروازہ بھی کھولا گیا۔ انہوں نے بیت اللہ کے اندر نوافل ادا کیے،سعودی حکام کی جانب سےآرمی چیف کو خانہ کعبہ کی زیارت کرائی گئی۔
اس موقع پر سربراہ پاک فوج نے ملکی سلامتی اور استحکام کے لئے خصوصی دعائیں بھی کیں۔
واضح رہے کہ آرمی چیف جنرل عاصم منیر سعودی عرب اور متحدہ عرب امارات کے سرکاری دورے پر ہیں گذشتہ روز سعودی عرب میں ان کی ملاقات وزیر دفاع شہزادہ خالد بن سلمان سے ہوئی تھی۔
Pleased to meet H.E General Asim Munir, Pakistan’s Chief of Army Staff. We emphasized the strategic partnership between our brotherly countries, reviewed the bilateral military and defense relations, and discussed ways of strengthening our cooperation. pic.twitter.com/HAtcNKX6O3
— Khalid bin Salman خالد بن سلمان (@kbsalsaud) January 4, 2023
سعودی وزیر دفاع نے اپنے ٹویٹ میں اس ملاقات کی تصدیق کرتے ہوئے بتایا کہ انہیں پاک فوج کے سربراہ جنرل عاصم منیر سے مل کر انتہائی مسرت ہوئی۔ ملاقات میں دونوں رہنماؤں نے برادر ملکوں پاکستان اور سعودی عرب کے درمیان تزویراتی شراکت کی ضرورت پر زور دیا تھا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف برادر ممالک کی سینئر قیادت سے ملاقات کریں گے۔
آئی ایس پی آر کے مطابق ملاقات میں باہمی دلچسپی کے امور، فوجی تعاون اور دوطرفہ امور پر بات ہو گی۔