The news is by your side.

Advertisement

ڈوپنگ قوانین کی خلاف ورزی پرکرکٹریوسف پٹھان پر پابندی عائد

نئی دہلی: بھارتی کرکٹ بورڈ نے ممنوعہ ادویات کے استعمال کرنے پر معروف آل راؤنڈر یوسف پٹھان پر 5 ماہ کی پابندی عائد کردی گئی ہے۔

بھارتی میڈیا کے مطابق سزا کا اطلاق 15 اگست 2017 سے شروع ہوکر 14 جنوری 2018 تک رہے گا، جبکہ کرکٹر یوسف پٹھان نے  حالیہ پی ایس ایل جو کہ اسی ماہ شروع ہونے جارہا ہے کے نئے سیزن میں کھیلنے کی خواہش کا اظہار بھی کیا ہے۔

واضح رہے 16 مارچ 2017 کو نئی دہلی میں ہونے والے ڈومیسٹک ٹی ٹوئنٹی ایونٹ کے دوران یوسف پٹھان نے اینٹی ڈوپنگ ٹیسٹنگ پروگرام کے تحت ٹیسٹ دیا تھا، جس کے نمونے کی جانچ سے پتہ چلا کہ انہوں نے ممنوعہ مادہ  استعمال کیا ہے۔

ٹیسٹ رپورٹ مثبت آنے کے بعد انہیں عبوری طور پر معطل کر دیا گیا تھا، آل راﺅنڈر نے اینٹی ڈوپنگ قوانین کی خلاف ورزی کو تسلیم کرتے ہوئے کہا تھا کہ گلے میں انفیکشن کے دوران غلطی سے وہ دوا دے دی گئی جس میں ممنوعہ مادہ موجود تھا۔

ان کا مزید کہنا تھا کہ میں نے دوا کا استعمال جسمانی طاقت بڑھانے کیلیے نہیں کیا تھا، سب انجانے میں ہوا، معاملے کے حل کے لئے میں بھارتی کرکٹ بورڈ کا مشکور ہوں۔

بھارتی کرکٹ بورڈ کے جاری کردہ اعلامیے کے مطابق معروف آل راؤنڈر یوسف پٹھان کو ممنوعہ ادویات استعمال کرنے پر کرکٹ قوانین اے ڈی آر کے آرٹیکل 2.1 کے تحت 5 ماہ کی سزا سنائی گئی ہے۔

یاد رہے کہ معروف بھارتی آل راؤنڈر یوسف پٹھان 15 اگست 2017 سے منشیات کے استعمال کرنے پر کھیل سے باہر ہیں۔

Print Friendly, PDF & Email

Comments

comments

یہ بھی پڑھیں