The news is by your side.

Advertisement

ڈوپلر ریڈار سے اب کراچی میں بارش اور سمندری طوفان کی بروقت اطلاع ممکن

کراچی : محکمہ موسمیات میں نصب ڈوپلر ریڈارآپریشنل ہوگیا ، جس کے بعد اب سمندری طوفان اور بارشوں کی بروقت اطلاع ممکن ہوسکے گی۔

تفصیلات کے مطابق محکمہ موسمیات کراچی میں نصب ڈوپلر ریڈار آپریشنل کردیا گیا ، اس سلسلے میں محکمہ موسمیات کی ویب سائٹ پر ڈوپلر ریڈار کا لنک جاری کردیا ہے۔

جدید ریڈار جاپان کے تعاون سےنصب کیا گیا ہے ، نیاریڈار کئی گنا تیز رفتار موسمیاتی حالات کاپتہ دینےکاحامل ہے ، ریڈار 450 کلومیٹر کے دائرے میں طوفان، بارش اور گرم موسم کی پیش گوئی دے گا۔

محکمہ موسمیات کا کہنا ہے کہ ڈوپلر ریڈارکی تنصیب پر 1ارب 58کروڑروپے لاگت آئی ، اس ریڈار سے 2سے6گھنٹے کی شارٹ رینج فور کاسٹ کے علاوہ بارش سےمتعلق آگاہی ملے گی۔

جدید ریڈار سے بحیرہ عرب اور خلیج بنگال سے اٹھنے والے سمندری طوفانوں کی بروقت اطلاع ممکن ہوگی۔

یاد رہے موسم کے عالمی دن کے حوالے سے محکمہ موسمیات کراچی میں تقریب کا انعقاد کیا گیا، جس میں ڈائریکٹر محکمہ موسمیات سردارسرفراز نے کہا تھا کہ کراچی میں جدید ڈوپلرریڈارنصب کیا جاچکا ہے،کورونا کے باعث ڈوپلرریڈار کی تنصیب پر مامور جاپانی انجینئرز کو واپس جانا پڑا تھا تاہم امید ہے کہ ریڈار مون سون سے قبل کام شروع کردے گا۔

ان کا کہنا تھا کہ موجودہ اینالاگ ریڈارسے 3 دن کی موسمیاتی پیش گوئی پہلے ہی کی جارہی ہے، ڈوپلر کے فعال ہونے کے بعد 7 دن کی درست پیش گوئی کی جاسکے گی۔

Comments

یہ بھی پڑھیں