The news is by your side.

Advertisement

راولپنڈی میں آج سے ڈبل ڈیکر بس کا سفر شروع

راولپنڈی: جڑواں شہروں میں آج سے ڈبل ڈیکر بس کا سفر شروع ہو گیا، چیئرمین پی ایچ اے (پارکس اینڈ ہارٹی کلچر اتھارٹی) آصف محمود کا کہنا ہے کہ آج سے ڈبل ڈیکر سیاحتی بس کا باقاعدہ آغاز ہو گیا ہے۔

تفصیلات کے مطابق ڈبل ڈیکر بس سفر شروع ہو گیا، پہلی بس مسافروں کو لے کر آج راولپنڈی سے روانہ ہو کر اپنی منزل اسلام آباد پہنچی، پہلی بس عام افراد اور اسپیشل بچوں سمیت صحافیوں کو لے کر اسلام آباد گئی۔

سفر کرنے والے تمام خواتین و حضرات نے ڈبل ڈیکر بس میں سفر کا خوب لطف لیا، خیال رہے کہ ڈبل ڈیکر بس کا آغاز 6 ستمبر کے موقع پر کیا گیا ہے، بس میں سوار مسافروں نے پاک فوج اور پاکستان زندہ باد کے نعرے بھی لگائے۔

6 ستمبر شہدا کی عظیم قربانیوں کے سلسلے میں بس میں ملی نغمے بھی لگائے گئے۔

چیئرمین پی ایچ اے آصف محمود نے میڈیا سے گفتگو کرتے ہوئے کہا لاہور کے بعد آج راولپنڈی سے بس کے آپریشن کا باقاعدہ افتتاح ہو گیا ہے، آج خصوصی بچوں کو سفر کروایا گیا، اس سے راولپنڈی اور اسلام آباد میں سیاحت کو فروغ ملے گا۔

انھوں نے کہا سیاحت کے فروغ کے لیے وزیر اعلیٰ پنجاب عثمان بزدار کی ہدایت پر اہم اقدامات کیے گئے، ٹکٹ کی قیمت 400 روپے رکھی گئی ہے، یہ بس شہر کے تقریباً تمام سیاحتی مقامات کی سیر کرائے گی، اور دن میں 2 بار سفر کرے گی۔

Comments

یہ بھی پڑھیں