site
stats
سندھ

شہدائے کربلا کا چہلم، کراچی میں دو روزکیلئے ڈبل سواری پرپابندی

کراچی : شہدائے کربلا چہلم کے سلسلے میں شہر کراچی میں ڈبل سواری پر پابندی عائد کردی گئی ہے، ڈبل سواری پر پابندی جمعہ کی رات 12 بجے ختم ہوگی۔

تفصیلات کے مطابق آج ملک بھر میں چہلم حضرت امام حسینؓ عقیدت واحترام سے منایا جائے گا، مختلف شہروں میں سیکیورٹی کے فول پروف انتظامات کئے گئے ہیں۔

امام حسینؓ کے چہلم پر سیکیورٹی خدشات کے پیشِ نظر کراچی سمیت سندھ بھر میں48گھنٹے کیلئے ڈبل سواری پر پابندی عائد کردی گئی ہے۔

محکمہ داخلہ سندھ کی جانب سے جاری کئے گئے بیان کے مطابق محکمہ داخلہ سندھ نے کراچی میں چہلم امام حسین کے موقع پر موٹر سائیکل کی ڈبل سواری پر پابندی عائد کردی ہے۔

اس سلسلے میں نوٹیفیکیشن بھی جاری کردیا گیا ہے، جس کے تحت 8 اور9نومبر کی درمیانی شب رات12بجے سے 10نومبر بروز جمعہ رات 12بجے تک ڈبل سواری پرپابندی عائد رہے گی۔

نوٹیفیکیشن کے مطابق بارہ سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ ہوں گے، حکام کا کہنا ہے کہ پابندی لگائے جانے کی وجہ سیکیورٹی انتظامات کو مؤثر بنانا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top