The news is by your side.

Advertisement

سال نو کا آغاز ، کراچی میں موٹر سائیکل کی ڈبل سواری پر پابندی عائد

کراچی : محکمہ داخلہ سندھ نے سال نو کے موقع پر موٹر سائیکل کی ڈبل سواری پر پابندی عائد کردی، تفصیلات کے مطابق سندھ حکومت نے کراچی کے شہریوں کو سال نو کا جشن منانے سے روکنے کیلئے تیاریاں مکمل کرلیں ہیں۔

ساحل پر جشن منانے کیلئے آنے والوں کا استقبال پولیس اہلکارکریں گے، اس حوالے سے موٹر سائیکل کی ڈبل سواری پر پابندی کے ساتھ ساتھ ساحل سمندر پر جشن منانے کیلئے آنے والوں کا راستہ روکنے کیلئے سی ویو جانے والے راستے کنٹینر لگا کر سیل کردیئے جائیں گے۔

محکمہ داخلہ سندھ کی جانب سے جاری کردہ نوٹیفکیشن کے مطابق یہ پابندی دفعہ 144 کے تحت سال نو کی آمد کی وجہ سے عائد کی گئی ہے۔ جس کا اطلاق آج رات بارہ بجے سے ہوگا۔

اس کے علاوہ  نئے سال کے جشن پر بغیرسائلینسرموٹرسائیکل،ون ویلنگ اورہوائی فائرنگ پر بھی پابندی عائد ہو گی۔

سوال یہ پیدا ہوتا ہے کہ کیا سال نو کے موقع پر کراچی کے ساحل پر دہشت گردی کا خطرہ ہے؟ ساحل کی طرف جانے والے راستوں کو کینٹینر لگا کر بند کرنے سے امن و امان قائم رکھنے کی ضمانت مل سکتی ہے؟

کیا اس طرح کے اقدامات سال نو کے موقع پر خوشیاں منانے والے غریبوں کے ساتھ زیادتی نہیں؟ لیکن پارٹیاں تو ہوں گی اور وہ سب وی آئی پیز جو ان پارٹیز کو افورڈ کرسکتے ہیں وہ ضرور سال نو کا جشن منائیں گے، لیکن ساحل پر موٹرسائیکل اور دیگر گاڑیوں سے آنے والے غریب لوگوں کو سال نو کا جشن منانے کا بھی شاید کوئی حق نہیں۔

Print Friendly, PDF & Email

Comments

comments

یہ بھی پڑھیں