تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

ڈاؤ میڈیکل کالج کے 75 سال مکمل، پچھتر کبوتر آزاد کیے گئے

کراچی: شہر قائد میں قائم ڈاؤ میڈیکل کالج کے قیام کے 75 سال مکمل ہو گئے، گولڈن جوبلی کی تقریب کے موقع پر پچھتر کبوتر آزاد کیے گئے اور ڈاؤ کے لوگو سے مزین غباروں کے 75گچھے ہوا میں چھوڑے گئے۔

اے آر وائی نیوز کے مطابق ڈاؤ میڈیکل کالج کی گولڈن جوبلی تقریب میں کو وِڈ نائنٹین وبا کے باعث محدود تعداد میں سینئرز کو مدعو کیا گیا، تقریب بھی سادہ اور کھلی فضا میں رکھی گئی، تقریب میں ڈائمنڈ جوبلی کے لوگو سے مزین کیک بھی کاٹا گیا۔

تقریب سے خطاب کرتے ہوئے وائس چانسلر پروفیسر محمد سعید قریشی نے کہا اسپینش فلو کے صدیوں بعد اب کرونا وائرس نے دنیا کو ہلا کر رکھ دیا ہے، ہم پہلے سے مختلف پیتھالوجی کے حامل نامعلوم وجود سے نبرد آزما ہیں۔

انھوں نے کہا ڈاؤ ان چند اداروں میں سے ایک ہے جس نے وبا کے دوران فرنٹ لائن ورکر کا کردار ادا کیا، یہ کالج اب عالمی پہچان رکھتا ہے، اس سے ملحقہ اداروں میں زیر تعلیم طلبہ کی تعداد 8 ہزار ہے۔

تقریب کے شرکا میں کالج کے سابق پرنسلز، سینئر اساتذہ اور سابق طالب علم شامل تھے، پروفیسر ایم اے عالمانی نے کہا ڈاؤ میڈیکل کالج اب ایک عظیم ادارے میں تبدیل ہو چکا ہے، پروفیسر غفار بلو نے یادیں دہراتے ہوئے کہا کہ 1954 میں ڈاؤ میڈیکل کالج میں داخلہ لیا تو یہ ایک بچہ تھا، آج یہ دادا، بلکہ پر دادا بن چکا ہے۔

ڈاکٹر ٹیپو سلطان نے کہا آج اتنے سارے سینئرز کا جمع ہونا ایک خواب لگتا ہے، ایک سہانا خواب، پروفیسر اقبال میمن نے کہا پرانے لوگوں کی یادیں سہانی ہیں، ریسرچ کے شعبے میں ڈاؤ کا نام بن چکا ہے، پروفیسر ذکی الدین اون والا نے کہا کہ اس وقت تو اساتذہ کی کہکشاں ہے، ڈی ایم سی کے طلبہ نے پی ڈبلیو اے کے ذریعے انسانیت کی خدمت کی اعلیٰ مثال قائم کی۔

Comments

- Advertisement -