کراچی: ڈاؤیونیورسٹی نے ایم ڈی کیٹ نتائج کے اعداد و شمار جاری کر دیے۔
ایم ڈی کیٹ ٹیسٹ میں سندھ بھر سے 22 ہزار 366 امیدوار کامیاب قرار پائے اور شرح 58 اعشاریہ 79فیصد رہی۔
ڈاؤ یونیورسٹی کے زیراہتمام ٹیسٹ میں 38ہزار 41 امیدوار شریک ہوئے۔ اوجھا اور این ای ڈی ٹیسٹ سینٹرز میں 12ہزار 572 امیدواروں نےحصہ لیا۔
دونوں مراکز سے ایم بی بی ایس کیلئے اہل امیدواروں کی تعداد 6ہزار 947 تھی جب کہ دونوں مراکز سے بی ڈی ایس کیلئےاہل امیدواروں کی تعداد 7 ہزار 941 تھی۔
اس سے قبل یونیورسٹی آف ہیلتھ سائنسز نے ایم ڈی کیٹ 2024 کے نتائج جاری کیے تھے۔
پنجاب میں میڈیکل اور ڈینٹل کالجوں میں داخلے کیلئے ٹیسٹ 22 ستمبر کو لیا گیا تھا جس میں مجموعی طور پر 56519 امیدواروں نے شرکت کی۔ 48051 امیدواروں نے 55 فیصد سے زائد جب کہ 51018 نے 50 فیصد سے زائد نمبر حاصل کیے۔
زیادہ سے زیادہ حاصل کردہ نمبر 199/200 یعنی 99.50 فیصد رہے۔
ایم ڈی کیٹ میں پہلی پوزیشن 2طالبات نے مشترکہ طور پر حاصل کی۔ زینب منیر ولد منیر احمد قادر اور اقرا ولد محمداعظم دونوں نے 199 نمبر حاصل کئے۔
