آذربائیجان: آرمینیا اور آذربائیجان کے درمیان وسیع پیمانے پر جنگ کا خطرہ ہے ، شدید جھڑپوں میں بتیس افراد ہلاک ہوگئے، آذربائیجان نے آرمینیا کو جنگ بندی کی حتمی وارننگ دے دی ہے۔
تفصیلات کے مطابق آرمینیا اور آذربائیجان کی افواج آمنے سامنے ہیں ، متنازع علاقے نگورنو کارا باخ میں شدید جھڑپیں جاری ہے ، آرمینیا کی شہری علاقوں پر گولہ باری سے ایک ہی خاندان کے پانچ افراد ہلاک ہو گئے جبکہ آرمینیا نے آذربائیجان کا ہیلی کاپٹر مار گرانے کا دعویٰ کیا ہے۔
آذربائیجان نے جوابی کارروائی میں میں آرمینی فوجی تنصیبات، اینٹی ائیرکرافٹ، میزائل سسٹم اورفوجی گاڑیوں کو تباہ کرنے کے علاوہ چھ دیہات آزاد کرانے کا دعویٰ کیا ہے، دونوں ممالک کی افواج میں جھڑپوں میں ٹینکوں اور میزائلوں کا استعمال کیا گیا۔
وزارت دفاع آذربائیجان کا کہنا ہے کہ آذربائیجان اورآرمینیا کی جھڑپوں میں32 آرمینائی فوجی ہلاک ہوئے ، آرمینیا فورسزنےآذربائیجان کےعلاقے ترتر پرشیلنگ کی۔
آذربائیجان نےآرمینیاکوجنگ بندی کی حتمی وارننگ دیتے ہوئے کہا ہے کہ آرمینیا ترتر کےعلاقے میں شہری آبادیوں پر حملے فوری بند کرے۔
پاکستان نے آرمینیا کی افواج کی آذربائیجان پر گولہ باری کی مذمت کرتے ہوئے کہا کہ سلامتی کونسل میں کاراباخ کےحل کے لیے منظور قراردادوں کی روشنی میں پاکستان آذربائیجان کے موقف کا حامی ہے۔
ترک صدر نے آرمینیا کو خطے کے امن کے لیے خطرہ قرار دیتے ہوئے آذربائیجان کے ہم منصب الہام علی یوف کو فون کرکے ہر ممکن مدد کا اعلان کردیا ہے جبکہ اقوامِ متحدہ،یورپی یونین، روس اورایران نےجنگ بندی کی اپیل کی ہے۔
