The news is by your side.

Advertisement

برطانیہ جانے والے غیر قانونی ماجرین غرق یاب

یورپی ملک فرانس سے برطانیہ جانے والی مہاجرین کی کشتی الٹنے سے درجنوں تارکین وطن ڈوب گئے۔

غیر ملکی میڈیا کے مطابق بہتر مستقبل کیلئے برطانیہ جانے والے درجنوں تارکین وطن برطانوی سمندری حدود میں کشتی الٹنے کے باعث سمندر برد ہوگئے۔

ریسکیو حکام نے کشتی میں سوار افراد کی تعداد سے متعلق نہیں بتایا تاہم ان کا کہنا تھا کہ ڈوبنے والوں کی تعداد 31 تھی، جن کی تلاش کےلیے دونوں ممالک کی حکومت نے ہوائی اور سمندری آپریشن کا آغاز کردیا۔

مہاجرین کی بین الاقوامی تنظیم کا کہنا ہے کہ 2014 میں جب سے اس نے ڈیٹا اکٹھا کرنا شروع کیا ہے اس کے بعد سے یہ برطانوی سمندری حدود میں سب سے بڑا جانی نقصان ہے۔

فرانسیسی وزیر اعظم نے کشتی الٹنے کے حادثے پر شدید غم کا اظہار کرتے ہوئے کہا کہ کشتی الٹنا ایک سانحہ ہے اور ڈوبنے والے افراد انسانی اسمگلروں کے ہاتھوں مجبور تھے جب کہ بورس جانسن نے افسوس کا اظہار کرتے ہوئے انسانی اسمگلروں کے خلاف سخت کارروائی کرنے کا عندیہ دیا۔

Comments

یہ بھی پڑھیں