The news is by your side.

Advertisement

ڈاکٹر عافیہ صدیقی کا پاکستانی قونصلر جنرل سے ملاقات سے انکار، رپورٹ میں انکشاف

اسلام آباد : وزارت خارجہ کی جانب سے تحریری رپورٹ میں انکشاف کیا گیا ہے کہ ڈاکٹر عافیہ صدیقی کا پاکستانی قونصلر جنرل سے ملاقات سے انکار کر دیا  تاہم ڈاکٹر عافیہ کی صحت سے متعلق آگاہی کے لیے جیل حکام سے رابطے میں ہیں۔

تفصیلات کے مطابق اسلام آباد ہائی کورٹ میں جمع کرائی جانے والی وزارت خارجہ کی رپورٹ میں بتایا گیا کہ 15 دسمبر کو پاکستانی قونصلر جنرل ڈاکٹر عافیہ صدیقی سے ملاقات کے لئے گئے لیکن جیل حکام نے بتایا وہ ملنا نہیں چاہتیں۔

رپورٹ میں بتایا گیا کہ 24 ستمبر کو ڈاکٹر عافیہ صدیقی سے ایک ملاقات ضرور ہوئی تھی، پچھلے سال کورونا کی وجہ سے بھی امریکی جیلوں میں قیدیوں سے ملاقاتوں کا سلسلہ معطل رہا تاہم ڈاکٹر عافیہ کی صحت سے متعلق آگاہی کے لیے جیل حکام سے رابطے میں ہیں، ڈاکٹر عافیہ نے 24 ستمبر کی ملاقات میں بتایا ان کا کورونا ٹیسٹ منفی آیا ہے۔

رپورٹ کے مطابق امریکی جسٹس ڈیپارٹمنٹ نے کہا کہ رحم کی درخواست قیدی خود جیل وارڈن یا بذریعہ ڈاک دائر کر سکتا ہے، وکیل کی تعیناتی کے بغیر ایک ہی حل تھا کہ قیدی خود جیل وارڈن کے ذریعے درخواست دائر کرے۔

یاد رہے اسلام آباد ہائی کورٹ کے جسٹس عامرفاروق کی عدالت نے ڈاکٹر عافیہ صدیقی کی رہائی کے لیے دائر درخواست پر وزارت خارجہ کی رپورٹ کو غیرتسلی بخش قرار دیتے ہوئے وزارت خارجہ کے جوائنٹ سیکرٹری سطح کے افسرکو طلب کرلیا۔

Comments

یہ بھی پڑھیں