The news is by your side.

عامر لیاقت کی تدفین وصیت کے مطابق کی جائے گی

رکن قومی اسمبلی عامر لیاقت حسین کی تدفین ان کی وصیت کے مطابق عبداللہ شاہ غازی رحمتہ اللہ علیہ کے مزار کے احاطے میں کی جائے گی۔

اے آر وائی نیوز کے مطابق منیجر اوقاف حاجی پنو خان کا کہنا ہے کہ عبداللہ شاہ غازیؒ کے مزار کے احاطے میں عامر لیاقت کی قبر کی تیاری کا کام شروع کردیا گیا ہے۔

رکن قومی اسمبلی ڈاکٹر عامر لیاقت حسین انتقال کر گئے

منیجر اوقاف کا کہنا ہے کہ مرحوم کی تدفین کا وقت مقرر نہیں ہے ورثا کی ہدایت پر قبر تیار کی جارہی ہے۔

ذرائع کا بتانا ہے کہ عامر لیاقت نے اپنے وزارت کے دوران اپنی قبر کی جگہ رقم کے عوض مختص کروادی تھی جس احاطے میں تدفین ہوگی وہ شیخ لیاقت حسین کمپاؤنڈ کے نام سے ہے۔

ذرائع کا یہ بھی بتانا ہے کہ کمپاؤنڈ میں چار تدفین ہوچکی ہیں جبکہ 2007 میں عامر لیاقت نے 5 قبریں الاٹ کرائی تھیں، احاطے میں عامر لیاقت حسین کے والدین، نعت خواں خورشید احمد اور پہلی اہلیہ کے والد مدفن ہیں۔

عامر لیاقت کا انتقال: صدر اور وزیراعظم سمیت سیاسی رہنماؤں کا اظہار افسوس

واضح‌ رہے کہ مذہبی رہنما اور رکن اسمبلی ڈاکٹر عامر لیاقت حسین آج سہ پہر انتقال کرگئے انہیں‌ اسپتال منتقل کیا گیا جہاں‌ ڈاکٹروں‌ نے ان کی موت کی تصدیق کی.

Comments

یہ بھی پڑھیں