The news is by your side.

Advertisement

نامور امریکی سائنسدان ڈاکٹرانتھونی فاؤچی کورونا کا شکار

واشنگٹن : امریکی صدر جوبائیڈن کے طبی مشیر اور نامور سائنسدان ڈاکٹرانتھونی فاؤچی کا کورونا ٹیسٹ مثبت آگیا، انہوں نے خود کو قرنطینہ کرلیا۔

تفصیلات کے مطابق کورونا وائرس کے خلاف جنگ میں صف اول میں کلیدی کردار ادا کرنے والے امریکی سائنسدان اور ماہر متعددی امراض اور امریکی انسٹیٹیویٹ برائے الرجی اور متعددی امراض کے ڈائریکٹر ڈاکٹرانتھونی فاؤچی کورونا وائرس“ کے خلاف لڑتے لڑتے بالآخر خود بھی ”کورونا“ کا شکار ہوگئے۔

امریکی میڈیا کے مطابق 81سالہ ڈاکٹرانتھونی فاؤچی کا بدھ 15جون کو کورونا ٹیسٹ مثبت آیا تھا، ڈاکٹر فاؤچی کے مطابق وہ کورونا کی معمولی علامات محسوس کررہے ہیں تاہم ان کا کہنا ہے کہ وہ خود کو بہتر محسوس کررہے ہیں۔

امریکی انسٹی ٹیویٹ برائے الرجی اور متعددی امراض کے مطابق ڈاکٹر فاؤچی کو انٹی وائرل میڈیسن سے علاج کیا جا رہا ہے، کورونا کی علامات کے دوران ڈاکٹر فاؤچی گھر سے کام کریں گے اور مکمل احتیاطی تدابیر اختیار کریں گے۔

Comments

یہ بھی پڑھیں