The news is by your side.

Advertisement

ڈاکٹر عاصم کی والدہ بھی رینجرز مداخلت کیخلاف عدالت پہنچ گئیں

کراچی : ڈاکٹر عاصم کی رہائی کے امکانات روشن ہو رہے ہیں، ڈاکٹر عاصم کی والدہ نے بیٹے کے مقدمے میں رینجرز کی مداخلت کیخلاف عدالت عالیہ کا دروازہ کھٹکھٹا دیا ہے.

ڈاکٹر عاصم کی والدہ بھی رینجرز مداخلت کیخلاف عدالت پہنچ گئیں، اعجاز فاطمہ نے درخواست میں مؤقف اختیار کیا ہے کہ رینجرز کیس میں مداخلت کررہی ہے ،انہوں نےعدالت عالیہ سے استدعا کی کہ رینجرز کو کیس میں اثر انداز ہونے سے روکا جائے۔

سندھ ہائیکورٹ نے ڈاکٹرعاصم کی والدہ کی درخواست پر سماعت اٹھائیس دسمبر تک ملتوی کردیا۔

دوسری جانب ڈاکٹر عاصم کو آج انسداد دہشت گردی کی عدالت میں پیش کیے جانے کا امکان بھی ہے، ڈاکٹرعاصم کیس میں تفتیشی افسر کے بعد سائیں سرکار کیجانب سے وکیل استغاثہ بھی تبدیل کردیا گیا ہے، جس کیخلاف پہلے ہی رینجرز اورسابق وکیل استغاثہ نے خدشہ ظاہر کرتے ہوئے درخواست دائر کی تھی، تفتیشی افسر نے حتمی چالان میں ڈاکٹر عاصم کو دہشتگردی میں ملوث نہ ہونیکی کلین چٹ دیدی ہے۔

Print Friendly, PDF & Email

Comments

comments

یہ بھی پڑھیں