وفاق کی ڈاکٹر عاصم کا نام ای سی ایل سے خارج کرنے کی مخالفت -
The news is by your side.

Advertisement

وفاق کی ڈاکٹر عاصم کا نام ای سی ایل سے خارج کرنے کی مخالفت

کراچی: وفاقی حکومت نے سابق وزیر پیٹرولیم ڈاکٹر عاصم حسین کا نام ایگزٹ کنٹرول لسٹ سے خارج کرنے کی مخالفت کردی۔ عدالت میں مؤقف اختیار کیا گیا کہ ڈاکٹر عاصم بیماری کا بہانہ کر کے ملک سے فرار ہونا چاہتے ہیں۔

تفصیلات کے مطابق وفاقی وزارت داخلہ نے ڈاکٹر عاصم کا نام ای سی ایل سے نکالنے سے متعلق کیس میں سندھ ہائیکورٹ میں جواب جمع کروا دیا۔

وفاق نے جواب میں کہا ہے کہ ڈاکٹر عاصم پر کرپشن کے سنگین الزامات ہیں۔ وہ بیماری کا بہانہ بنا کر ملک سے فرار ہونا چاہتے ہیں۔

جواب میں مزید کہا گیا ہے کہ سندھ ہائیکورٹ نے بھی ڈاکٹر عاصم کو اس شرط پر ضمانت دی تھی کہ وہ ملک سے باہر نہیں جائیں گے۔

واضح رہے کہ ڈاکٹر عاصم کا نام نیب کی درخواست پر ای سی ایل میں شامل کیا گیا تھا جس کی سندھ ہائیکورٹ نے بھی سفارش کی تھی۔

مزید پڑھیں: ڈاکٹر عاصم لندن روانگی کے لیے تیار

اس سے قبل ڈاکٹر عاصم نے 3 مئی کو لندن روانگی کے لیے بک کروایا گیا ٹکٹ عدالت میں جمع کروایا تھا اور استدعا کی تھی کہ انہیں علاج کے لیے اہلیہ کے ساتھ لندن روانگی کی اجازت دی جائے۔

سندھ حکومت نے بھی ڈاکٹر عاصم کے بیرون ملک سفر پر نو اوبجیکشن لیٹر جاری کردیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں