site
stats
سندھ

نیب کو جب تک جوتے نہیں پڑیں گے، چھاپے کا نہیں بتائے گا، ڈاکٹرعاصم

Asim ECL

کراچی : پاکستان پیپلز پارٹی کراچی ڈویژن کے صدر ڈاکٹر عاصم حسین نے کہا ہے کہ نیب والوں کو جب تک جوتے نہیں پڑیں گے اس وقت تک یہ نہیں بتائیں گے کہ میری بہن کے گھر پر چھاپا کس نے مارا تھا؟ کشمیرکا وزیر اعظم پاگل شخص ہے۔

ان خیالات کا اظہار انہوں نے فشر مین کوآپریٹو سوسائٹی کے دفتر میں پریس کانفرنس سے خطاب کرتے ہوئے کیا، ڈاکٹر عاصم نے کہا کہ میرے کیس کی تحقیقات چوھدری نثار نے خود کرائی تھی لیکن انہیں کچھ نہیں ملا۔

ڈاکٹرعاصم نے اپنی پریس کانفرنس میں کشمیر کے وزیر اعظم راجہ فاروق حیدر کو پاگل قرار دے دیا، ڈاکٹر عاصم نے گزشتہ روز پی ٹی آئی کے جلسے پر شدید تنقید کرتے ہوئے کہا کہ عمران خان کا جلسہ کم اور طوفان بدتمیزی زیادہ تھا۔

وزیر اعظم کی نااہلی سے متعلق ان کا کہنا تھا کہ کسی کے جانے سے کوئی فرق نہیں پڑتا، وزیر اعظم کا وائٹ کالر کرائم میں گھر جانا عام سی بات ہے، جس نے بھی قانون توڑا اس کے خلاف کارروائی ہونی چاہیئے۔

انہوں نے کہا کہ نیب نے میری ہمشیرہ کے گھر پر چھاپا مارا، پولیس واقعے کی تحقیقات کررہی ہے جب تک جوتے نہیں پڑے گے نیب سچ نہیں بتائے گا۔


مزید پڑھیں: ڈاکٹرعاصم کی ہمشیرہ کے گھر چھاپہ نہیں مارا، نیب


دوسری جانب قومی احتساب بیورو (نیب) کے ترجمان کا کہنا تھا کہ ڈاکٹر عاصم حسین کی ہمشیرہ کے گھر چھاپے سے نیب کا کوئی تعلق نہیں، کراچی میں ان کی ہمشیرہ کے گھر پر کوئی چھاپہ نہیں مارا گیا۔


مزید پڑھیں: ڈاکٹر عاصم کی بہن کے گھر چھاپا، مقدمہ درج 


اس حوالے سے چلنے والی خبروں کا ادارے کا کوئی لینا دینا نہیں، ترجمان نیب کا مزید کہنا تھا کہ نیب کا ادارہ قانون کے مطابق کام کرتا ہے، افسران کو بھی قانون پر سختی سے عملدر آمد کرنے کی ہدایت کی جاتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top