The news is by your side.

Advertisement

ڈاکٹر عاصم کیس : حکومت سندھ، ڈی جی رینجرز اور وزرات داخلہ کو نوٹس جاری

کراچی : سندھ ہائی کورٹ کے دو رکنی بینچ نے ڈاکٹر عاصم کی والدہ کی درخواست پر حکومت سندھ، ڈی جی رینجرز اور وزرات داخلہ کو پندرہ نومبر کے لئے نوٹس جاری کردیئے ہیں۔

سندھ ہائیکورٹ میں ڈاکٹر عاصم کی والدہ کی درخواست پر جسٹس احمد علی شیخ کی سربراہی میں دو رکنی بینچ نے سماعت کی۔

درخواست گزار ڈاکٹر عاصم کی والدہ نے مؤقف اختیار کیاکہ سندھ رینجرز ڈاکٹر عاصم کے مقدمے پر اثر انداز ہونے کی کوشش کررہی ہے، پولیس کو آزادانہ تفتیش کرنے دی جائے اور رینجرز کو نارتھ ناظم آباد تھانے میں داخل ہونے سے روکاجائے۔

ڈاکٹر عاصم کی والدہ کی درخواست پر عدالت نے حکومت سندھ، ڈی جی رینجرز اور وزرات داخلہ کو پندرہ نومبر کے لئے نوٹس جاری کرتے ہوئے سماعت ملتوی کردی۔

ڈاکٹر عاصم کی والدہ نے گزشتہ روز سندھ ہائیکورٹ میں درخواست دائر کی تھی۔ جس کو جسٹس نعمت اللہ پھلپھوٹو نے سننے سے انکار کردیا تھا جس کے بعد درخواست جسٹس احمد علی شیخ کی عدالت میں بھیجی گئی تھی۔

Print Friendly, PDF & Email

Comments

comments

یہ بھی پڑھیں