میرا میڈیا ٹرائل کیا جارہا ہے، ڈاکٹر عاصم حسین -
The news is by your side.

Advertisement

میرا میڈیا ٹرائل کیا جارہا ہے، ڈاکٹر عاصم حسین

کراچی : جمعہ کے روز سابق وفاقی وزیر اور پاکستان پیپلزپارٹی کے رہنما ڈاکٹر عاصم حسین کا کہنا تھا کہ ان کا میڈیا ٹرائل کیا جارہاہے، انہوں نے میڈیا سے بات کرتے ہوئے کہا کہ نہ ہی میری فریال تالپور سے ملاقات ہوئی اور نہ ہی آصف زرداری سے ٹیلیفونک رابطہ ہوا۔

تفصیلات کے مطابق احتساب عدالت میں کرپشن کیس کی سماعت پر آئے ڈاکٹر عاصم حسین نے صحافیوں سے گفتگو کرتے ہوئےکہا کہ ان کے خلاف من گھڑت مقدمات بنائے جارہے ہیں میں ان تمام تر الزامات کی ترتید کرتا ہوں۔

اس سے قبل، ڈاکٹر عاصم حسین کے وکلاء نے کیس کی مکمل دستاویزات کی عدم فراہمی پر اعتراض کیا،قومی احتساب بیورو کے وکیل نے عدالت کو بتایا کہ کیس کا تفتیشی افسر دبئی میں تھا اور تمام دستیاب دستاویزات فراہم کی گئی ہیں.

ڈاکٹر عاصم حسین کو بدعنوانی کے الزامات اور ان کے نجی ہسپتال میں دہشت گردوں کو علاج فراہم کرنے پر اگست 2015 میں گرفتار کیا گیا، اور بعد میں قانون نافذ کرنے والے اداروں کی تحویل میں دیا گیا.

واضح رہے کہ25 اپریل کو ڈاکٹر عاصم نے عدالت سے درخواست کی تھی کہ انہیں متحدہ عرب امارات کے سفارت خانے جانے کی اجازت دی جائے، عدالت سے اجازت ملنے کے بعد انہوں نے سفارت خانےحق ملکیت اپنے بیٹے کو منتقل کی.

Comments

comments

یہ بھی پڑھیں