site
stats
پاکستان

ڈاکٹر عاصم کے ریمانڈ میں 7روز کی توسیع

کراچی : احتساب عدالت نے ڈاکٹر عاصم کے ریمانڈ میں 7روز کی توسیع کردی.

تفصیلات کے مطابق نیب کیجانب سے پندرہ روزہ ریمانڈ کی درخواست پر احتساب عدالت نے ڈاکٹرعاصم حسین کی ریمانڈ میں مزید سات روزکی توسیع کردی، ڈاکٹرعاصم حسین کو آج احتساب عدالت میں پیش کیا گیا، تفتیشی افسر نے مقدمے سے متعلق پروگریس رپورٹ اور ڈائری پیش کی۔

تفتیشی افسر کا کہنا تھا کہ تحقیقات میں پیشرفت ہورہی ہے، ڈاکٹرعاصم کے وکیل نے اپنے دلائل میں کہا کہ تفتیشی افسر نے بھی محسوس کیا ہے کہ انکے جسم پر نشانات موجود ہیں، انہوں نے عدالت سے استدعا کی کہ ڈاکٹرعاصم کا ماہر نفسیات سےعلاج کر وایا جائے یا طبی امداد آغا خان اسپتال سے کروائی جائے۔

عدالت پیشی کے موقع پر ڈاکٹر عاصم کےاہلخانہ بھی موجود تھے۔

عدالت کے باہر میڈیا سے گفتگو کرتے ہوئے ڈاکٹرعاصم کا کہنا تھا کہ انہیں زیادہ اثر والی دوائیں دی جاتی ہیں، جس سے ٹانگوں میں زخم آئے، انہوں نے میڈیا کو اپنے زخم بھی دکھائے۔

دوسری جانب سندھ ہائیکورٹ میں ڈاکٹرعاصم کے تفتیشی افسر تبدیل کرنے اور ضمانت سے متعلق درخواست کی سماعت ہوئی، سماعت جسٹس احمدعلی ایم شیخ کی سربراہی میں قائم بنچ نے کی، عدالت نے منتظم عدالت کاحکم نامہ طلب کرلیا۔ مدعی مقدمہ سپر نٹنڈنٹ رینجرز کیطرف سےدائر درخواست میں رینجرز نے ڈاکٹر عاصم کے تفتیشی افسرالطاف حسین کی تعیناتی کو چیلنج کیا تھا۔

نیب نے جواب داخل کرنےکیلیےمہلت طلب کرلی۔درخواست ضمانت کی سماعت دو ہفتے کیلئے ملتوی کردی گئی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top