The news is by your side.

Advertisement

میگا کرپشن کیس، ڈاکٹرعاصم کی بیرون ملک جانے کی درخواست مسترد

کراچی : سندھ ہائیکورٹ نے میگا کرپشن کیس میں ملوث ڈاکٹر عاصم کی بیرون ملک جانے کی درخواست مسترد کردی۔

تفصیلات کے مطابق سندھ ہائیکورٹ میں میگا کرپشن کیس میں ملوث ڈاکٹر عاصم کی جانب سے 12 اپریل کو دائر کی جانے والی درخواست پر فیصلہ سناتے ہوئے کہا کہ ڈاکٹرعاصم کوعلاج کیلئے بیرون ملک جانےکی ضرورت نہیں، علاج پاکستان میں ہی کرائیں، مطلوبہ علاج اورسہولتیں پاکستان میں موجود ہیں۔

کیس کا تحریری حکمنامہ جاری کرتے ہوئے عدالت نے کہا کہ نام ایگزٹ کنٹرول لسٹ میں شامل کرنے کا حکم ہائیکورٹ کے دو رکنی بینچ نے دیا تھا، فیصلے کے خلاف دوسرا بینچ درخواست نہیں سن سکتا۔

ڈاکٹر عاصم نے ریڑھ کی ہڈی کے علاج کیلئے بیرون ملک علاج کی استدعا کی تھی، چھبیس مئی کو جسٹس جنید غفار کی سربراہی میں دو رکنی بینچ نے سابق مشیر پیٹرولیم ڈاکٹرعاصم کی بیرون ملک جانے کی درخواست پر فیصلہ محفوظ کیا تھا۔

دوسری جانب  ڈاکٹرعاصم کی درخواست مسترد کے تحریری فیصلہ اےآروائی نیوزنے حاصل کرلیا، جس میں کہا گیا ہے کہ  نیب درخواست پرای سی ایل میں نام شامل کرنےکامعاملہ غیرموثرہوگیا، نیب ریفرنسز میں ضمانت کے فیصلے کی روشنی میں دوسری بار نام شامل کیا گیا، آئینی درخواست پر دیا گیا فیصلہ دوسری درخواست سے تبدیل نہیں کیا جاسکتا۔


مزید پڑھیں : وفاق کی ڈاکٹر عاصم کا نام ای سی ایل سے خارج کرنے کی مخالفت


تحریری فیصلے کے مطابق نام ای سی ایل میں شامل کرنے کا حکم ہائیکورٹ کے 2رکنی بینچ نے دیا، فیصلے کے خلاف ہائیکورٹ کا کوئی اور بینچ درخواست نہیں سن سکتا۔

یاد رہے اس سے قبل  وفاقی حکومت نے سابق وزیر پیٹرولیم ڈاکٹر عاصم حسین کا نام ایگزٹ کنٹرول لسٹ سے خارج کرنے کی مخالفت کرتے ہوئے عدالت میں مؤقف اختیار کیا تھا کہ ڈاکٹر عاصم بیماری کا بہانہ کر کے ملک سے فرار ہونا چاہتے ہیں۔

واضح رہے کہ انتیس مارچ کو سندھ ہائیکورٹ نے چار سو انتہر ارب روپے کی کرپشن کے دو مقدمات میں ڈاکٹرعاصم کی طبی بنیادوں پر ضمانت منظور کی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں