The news is by your side.

Advertisement

مشکل مرحلہ آرہا ہے، زیادہ احتیاط کی ضرورت ہے: ڈاکٹر فیصل سلطان

اسلام آباد: وزیر اعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ مشکل مرحلہ آرہا ہے، زیادہ احتیاط کی ضرورت ہے، شہری ماسک کا باقاعدہ استعمال کریں تو بہتری آسکتی ہے۔

تفصیلات کے مطابق وزیر اعظم عمران خان کے معاون خصوصی برائے صحت ڈاکٹر فیصل سلطان نے اے آر وائی نیوز کے مارننگ شو باخبر سویرا میں گفتگو کرتے ہوئے کہا کہ کرونا وائرس کیسز کے باعث مریضوں کی تعداد میں اضافہ ہو رہا ہے۔

ڈاکٹر فیصل سلطان کا کہنا تھا کہ سمجھتا ہوں کہ مشکل مرحلہ آرہا ہے، زیادہ احتیاط کی ضرورت ہے، احتیاطی تدابیر پر عمل کیا جائے تو وبا کے پھیلاؤ کو کم کیا جا سکتا ہے۔

انہوں نے کہا کہ رش والے مقامات پر وائرس کے بڑھنے کے خدشات ہوتے ہیں، شہری ماسک کا باقاعدہ استعمال کریں تو بہتری آسکتی ہے، لاک ڈاؤن کے بجائے کوئی دوسرا راستہ اختیار کیا جانا چاہیئے۔

خیال رہے کہ ملک بھر میں کرونا وائرس کے مجموعی کیسز کی تعداد 3 لاکھ 44 ہزار 839 ہے جن میں سے فعال کیسز کی تعداد 18 ہزار 981 ہے۔

ملک میں کرونا وائرس سے جاں بحق افراد کی تعداد 6 ہزار 977 ہوچکی ہے جبکہ صحت یاب افراد کی تعداد 3 لاکھ 18 ہزار سے تجاوز کرچکی ہے۔

Comments

یہ بھی پڑھیں