تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

علاج کی سہولتوں میں بہتری کے لیے کوشاں ہیں: ڈاکٹر فیصل سلطان

اسلام آباد: وزیر اعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ پہلی بار حکومت عوام کو ہیلتھ انشورنس فراہم کر رہی ہے، علاج کی سہولتوں میں بہتری کے لیے کوشاں ہیں۔

تفصیلات کے مطابق وزیر اعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ پہلی بار حکومت عوام کو ہیلتھ انشورنس فراہم کر رہی ہے، علاج کی وجہ سے غریب کا بجٹ متاثر ہوتا ہے۔

ڈاکٹر فیصل کا کہنا تھا کہ صحت کارڈ کے ذریعے شہریوں کو سہولت فراہم کر رہے ہیں، پرائمری ہیلتھ کیئر کے لیے سرکاری اور نجی اسپتالوں کو مل کر سہولت دینا ہوگی۔ علاج کی سہولتوں میں بہتری کے لیے کوشاں ہیں۔

انہوں نے کہا کہ عالمی اداروں سے فنڈنگ حاصل کرنے کے لیے رابطے میں ہیں، یونیورسل ہیلتھ کوریج کو یقینی بنانے کے لیے بھرپور اقدامات کیے ہیں۔ صحت انصاف کارڈ کا دائرہ کار پورے ملک میں پھیلادیا ہے۔

ڈاکٹر فیصل کا کہنا تھا کہ خیبر پختونخواہ، فاٹا، تھرپارکر اور آزاد جموں و کشمیر میں یونیورسل ہیلتھ کوریج کے تحت مفت علاج کی سہولیات فراہم کی جارہی ہیں۔ مارچ تک پورے پنجاب میں یونیورسل ہیلتھ کوریج کے تحت مفت علاج کی سہولیات میسر ہوں گی۔

انہوں نے مزید کہا کہ پاکستان نے پائیدار ترقیاتی اہداف ایس ڈی جی پر دستخط کر رکھے ہیں، سنہ 2030 تک صحت سب کے لیے یونیورسل ہیلتھ کوریج کے لیے پرعزم ہیں۔

Comments

- Advertisement -